ەلوردادا جاس كاسىپكەرلەرگە ارنالعان «استانا جاستار» باعدارلاماسى جۇزەگە اسىرىلماق
«قالادا شاعىن جانە ورتا بيزنەستىڭ بەلسەندى اكتيۆتەر سانى ۇنەمى ءوسىپ وتىر. سونىمەن قاتار قالا بيۋجەتىنىڭ سالىقتار ءتۇسىمىنىڭ كولەمدەرى دە ارتتى. ماسەلەن، 2014-جىلى شاعىن كاسىپكەرلىك سۋبەكتىلەرىنەن عانا قالالىق بيۋجەتكە شامامەن 200 ميلليارد تەڭگە ءتۇستى. بۇدان باسقا، قالادا كرەديتتەۋ بويىنشا جۇمىس بەلسەندى جۇرگىزىلۋدە، %43,6 شاعىن جانە ورتا بيزنەسكە قاتىستى شىعارىلاتىن تاۋارلار مەن كورسەتىلەتىن قىزمەتتەر كولەمى ۇلعايدى»، - دەپ حابارلادى ماليكا بەكتۇروۆا.
«ونىڭ ايتۋىنشا، استانادا شاعىن جانە ورتا بيزنەستى قولداۋ بويىنشا 22 جوبا ىسكە اسىرىلعان جانە شامامەن ءۇش مىڭداي جاڭا جۇمىس ورنى قۇرىلدى. 2015-جىلدىڭ اياعىنا دەيىن تاعى دا التى جوبا، ونىڭ ىشىندە ساۋىردە تىگىن فابريكاسى ىسكە قوسىلماق»، - دەپ جازادى ەلوردا اكىمدىگىنىڭ رەسمي سايتى.
بۇدان باسقا، بايانداماشى استانا اۋماعىندا ساۋدا جانە 29 جاسقا دەيىنگى جاس كاسىپكەرلەردى قولداۋعا باعىتتالعان «استانا جاستار» باعدارلاماسى سالاسىنداعى كاسىپكەرلەردى قولداۋ بويىنشا ەكى جاڭا باعدارلامانىڭ شىعارىلاتىنى تۋرالى حابارلادى. حالىق قالاۋلىلارى «استانا جاستار» باعدارلاماسىن ءتيىمدى ىسكە اسىرۋ جونىندەگى ماسەلەلەر، ونىڭ استانالىق بيزنەسكە وڭ ىقپالىنا قىزىعۋشىلىق تانىتتى.
قالالىق ءماسليحات حاتشىسى سانسىزباي ەسىلوۆ قالادا شاعىن جانە ورتا بيزنەستى قولداۋ مەن دامىتۋ بويىنشا بەلسەندى جۇمىس جۇرگىزىلىپ، باعدارلامالار ازىرلەنىپ جاتقانىن، الايدا بارلىق جۇمىسپەن قامتىلعاندار سانىن انىق ءبىلۋ، سونداي-اق ولار جالپى وڭىرلىك ونىمگە ەنگىزەتىن ۇلەستى وبەكتيۆتى باعالاۋ ءۇشىن ستاتيستيكا ادىستەرى جۇيەسىن ازىرلەۋ قاجەت ەكەنىن ايتتى.
