07:29, 01 - ءساۋىر 2015 | GMT +6
قازاقستاندا جاسالعان: پاۆلودارداعى جاڭا تۇرمىستىق حيميا كاسىپورنى باسەكەلەستىككە دايىن
پاۆلودار. قازاقپارات - پاۆلودارداعى «بەليزنا پ ۆ» ج ش س تۇرمىستىق حيميا ونىمدەرىن شىعاراتىن كاسىپورنى جۇمىس جاساپ كەلە جاتقانىنا ءبىر جىل عانا بولدى. قازىرگى تاڭدا بۇل جەردە جىلىنا 6 مىڭ توننا اعارتقىش وندىرىلەدى.
كاسىپورىن ديرەكتورى لاريسا زۋبوۆويدىڭ ايتۋىنشا، جەرگىلىكتى نارىقتا بۇلار شىعاراتىن ءونىمنىڭ سان ءتۇرلى بالاماسى بولسا دا كاسىپورىن باسەكەلەستىككە ابدەن دايىن جانە قورىقپايدى.
«ءبىزدىڭ كاسىپورىننىڭ ونىمدەرى بارلىق تالاپتارعان ساي. ونىڭ ۇستىنە ءبىز «پاۆلودار» ارنايى ەكونوميكالىق ايماعىندا ورنالاسقانبىز. كەرەكتى شيكىزاتتىڭ بارلىعىن وسى جەردەن الامىز. سوندىقتان تاۋاردىڭ قۇنى باسەكەلەستەرىمىزگە قاراعاندا 10 پايىزعا ارزان»، - دەيدى ول.
ازىرشە كاسىپورىن تاۋارلارى تەك قازاقستاندىق نارىققا شىعارىلىپ كەلەدى، بولاشاقتا ولاردى رەسەي نارىعىنا شىعارۋ جوسپارلانعان. سونداي-اق، «بەليزنا پ ۆ» ج ش س «قازاقستاندا جاسالعان» اكسياسى اياسىندا دا جۇمىستار اتقارۋدا.
