قازاقستان ءۇشىن سايگوننىڭ جاڭا تەحنولوگيالار پاركى قىزىعۋشىلىق تۋعىزادى - ق. جاقىپوۆ

استانا. قازاقپارات - ءماجىلىس ءتوراعاسى قابيبوللا جاقىپوۆ باستاعان قازاقستاندىق پارلامەنتتىك دەلەگاتسيا وكىلدەرى ۆەتنام سوتسياليستىك رەسپۋبليكاسىنا جاساعان العاشقى رەسمي ساپارى بارىسىندا حو شي مين اتىنداعى ۇلتتىق ساياسي اكادەميا تىڭدارماندارىمەن كەزدەسىپ، ۆەتنامدا قازاقستان ەلشىلىگىنىڭ جاڭا عيماراتىنىڭ اشىلۋ سالتاناتىنا قاتىستى.

بۇل تۋرالى ءماجىلىستىڭ باسپا ءسوز قىزمەتى حابارلادى.

 ق. جاقىپوۆ قازاقستاننىڭ زاماناۋي دامۋىنىڭ ەرەكشەلىكتەرى، ەلباسى نۇرسۇلتان نازاربايەۆ باستاماشى بولعان «قازاقستان-2050» ستراتەگياسى، ءۇ ي ي د ب جانە «نۇرلى جول» تۋرالى باياندادى.

- ۆەتنام 2020- جىلعا قاراي يندۋستريالدىق ەكونوميكا مارتەبەسىنە جەتۋ، وڭدەۋ سالاسىن جاڭعىرتۋ، عىلىمي قامتىمدى ءوندىرىس ۇلەسىن ارتتىرۋ تۋرالى ماقسات قويدى. سىزدەردىڭ ەلدەرىڭىزدىڭ يندۋستريالاندىرۋ باعىتى ءوزىنىڭ ماقسات، مىندەتتەرى بويىنشا «نۇرلى جول» جاڭا ەكونوميكالىق ساياساتىمەن ۇندەس كەلەدى. بۇل جوسپاردى تابىستى ورىنداۋ قاۋىپ- قاتەرلەر مەن داعدارىسقا قارسى تۇرۋعا ىقپال ەتىپ قانا قويماي، ءبىزدىڭ ەلىمىزدىڭ 2050 - جىلعا قاراي ەڭ دامىعان 30 ەلدىڭ قاتارىنا كىرۋىنە مۇمكىندىك بەرەدى، - دەپ اتاپ ءوتتى ءماجىلىس سپيكەرى.

 ق. جاقىپوۆتىڭ ايتۋىنشا، قازاقستان ءۇشىن ميكرو ەلەكترونيكالاردى، نانوتەحنولوگيالاردى، ەنەرگيا ۇنەمدەگىشتەردى دايىنداۋمەن اينالىساتىن جوعارى تەحنولوگيالى سايگون ساياباعى ايرىقشا قىزىعۋشىلىق تۋعىزادى.

 سونداي- اق، قۇرامىندا سەناتور ە. مۇقايەۆ، ماجىلىسمەندەر م. اشىمبايەۆ، ر. ءمادينوۆ، ءا. بيمەندينا، ۆ. كيانسكي، ءۇ. مەدەۋوۆ بار دەلەگاتسيا مۇشەلەرى ۆەتنامدا قازاقستان ەلشىلىگىنىڭ جاڭا عيماراتىنىڭ اشىلۋىنا قاتىستى.

 اتالىپ وتىلگەندەي، بۇل - قوس مەملەكەت اراسىنداعى ەكىجاقتى قارىم- قاتىناستى نىعايتۋعا دەگەن مۇددەلىلىكتىڭ كورسەتكىشى، دوستىقتىڭ، ارىپتەستىك پەن ءوزارا سەنىمنىڭ بەلگىسى.