ەۋرازيالىق ەكونوميكالىق وداق ۆەتنام نارىعىنا شىعىپ كورمەك

استانا. قازاقپارات - جاقىندا ەۋرازيالىق ەكونوميكالىق وداق ەلدەرىنىڭ وندىرىسشىلەرى 96 ميلليون تۇرعىنى بار ۆەتنام نارىعىنا شىعىپ كورمەك.

مۇنداي مۇمكىندىكتىڭ بارىن ماسكەۋدە وتكەن ەۋرازيالىق ەكونوميكالىق كوميسسياسىنىڭ كەزەكتى وتىرىسىنا جينالعاندار ايتتى. ەۋرازيالىق ەكونوميكالىق وداقتىڭ ەكسپورتتىق الەۋەتىن ارتتىرۋعا ارنالعان كەزدەسۋدە وداققا مۇشە ەلدەر اراسىندا كەدەندىك تاريفتەردى وزگەرتۋ ماسەلەلەرى دە قاراستىرىلدى.

اندرەي سلەپنيەۆ، ە ە ك ساۋدا جونىندەگى ءمينيسترى:

- ۆەتنام مەملەكەتىمەن ەركىن ساۋدا ايماعىن قۇرۋ جونىندە كەلىسىمشارتقا قول قويۋدى جوسپارلاپ وتىرمىز. اتالعان پيلوتتىق جوبانى الداعى 1-2 اي ىشىندە جۇزەگە اسىرامىز. وسىلايشا ە ا ە و وندىرىسشىلەرى 96 ميلليون تۇرعىنى بار نارىققا شىعىپ قانا قويماي، جالپى وڭتۇستىك- شىعىس ازيا ايماعىندا جۇمىس ىستەۋ مۇمكىندىگىنە قول جەتكىزبەك.

www.24.kz