قازاقستان مەن گرۋزيا ءوزارا ساۋدا كولەمىن ارتتىرۋعا ەرەكشە ءمان بەرمەك
«بۇگىندە ەلدەرىمىز اراسىنداعى سىرتقى تاۋار اينالىمى كولەمى تەك 115 ميلليون ا ق ش دوللارىن عانا قۇراپ وتىر. الايدا 3-4 جىل بۇرىن گرۋزيا جانە قازاقستان ەكونوميكاسىنا ءوزارا ينۆەستيتسيالار اتالعان كورسەتكىشتەن 4 ەسە جوعارى بولعان ەدى. بىزدە ىنتىماقتاستىقتى ارتتىرۋعا ەلەۋلى الەۋەت بار ەكەنىن ۇمىتپاۋىمىز كەرەك»، - دەدى ۆيتسە-مينيستر.
بۇگىندە قازاقستاندا گرۋزيندىك كاپيتالدىڭ قاتىسۋىمەن بىرلەسكەن 80 كاسىپورىن جۇمىس ىستەپ جاتقاندىعىنا توقتالعان ول، «قازترانسويل» ، «قازمۇناي گاز» سەكىلدى ءىرى كومپانيالاردىڭ گرۋزيادا ينۆەستيتسياسى بار. بيىل گرۋزيادا بىرلەسكەن جوبا اياسىندا ساناتوريي اشىلعان بولاتىن. مەنىڭ ويىمشا، ءوزارا قاتىناستاردىڭ الەۋەتى ايتارلىقتاي جوعارى»، - دەدى.
ايتا كەتەيىك، فورۋمدى ق ر ۇلتتىق كاسىپكەرلەر پالاتاسى، اجداريا اۆتونومدىق رەسپۋبليكاسىنىڭ (گرۋزيا) قارجى جانە ەكونوميكا مينيسترلىگى، قازاقستاننىڭ سىرتقى ساۋدا پالاتاسى بىرلەسە ۇيىمداستىرىپ وتىر. شاراعا قازاقستان مەن گرۋزيانىڭ قۇرىلىس، تۋريزم، ونەركاسىپ، كولىك، مەديتسينا سالالارىنىڭ كومپانيالارى قاتىسۋدا.
اۆتور: رۋسلان عابباسوۆ
