قازاقستاندا جاسالعان: وتاندىق ازىق-تۇلىككە سۇرانىس ارتۋدا - قۋات مۇقىشيەۆ

كوكشەتاۋ. قازاقپارات - اقمولا وبلىسىنىڭ ەرەيمەنتاۋ اۋدانىندا «قازاقستاندا جاسالعان» اكسياسى ءساتتى جالعاسۋدا. بۇل تۋرالى اۋداندىق كاسىپكەرلىك ءبولىمنىڭ باسشىسى قۋات مۇقىشيەۆ ءمالىم ەتتى.

ونىڭ ايتۋىنشا، «قازاقستاندا جاسالعان» بەلگى قويىلعان تاۋارلارعا تۇتىنۋشىلار تاراپىنان سۇرانىس ارتىپ وتىر. بۇل اكسياعا اۋدانداعى «كاراسەنەتس»، «ريازانوۆ»، «ميتين»، «قاليەۆ»، «مارچەنكو» جانە «وستاپەنكو» سياقتى جەكە كاسىپكەرلەر قولداۋ ءبىلدىرىپ وتىر.

«ەڭ باستىسى، قازاقستاندا شىعارىلعان تاۋارلاردىڭ ساپاسى جوعارى. وتاندىق ازىق-تۇلىك ەش قوسپاسىز ءارى ەكولوگيالىق جاعىنان تازا، ساپالى بولىپ كەلەدى. سوندىقتان، تۇتىنۋشىلار «قازاقستاندا جاسالعان» بەلگى قويىلعان تاۋارلارعا تاڭداۋ جاساپ وتىر» ، - دەيدى قۋات مۇقىشيەۆ.

اۆتور: اسلان وسپانوۆ