پرەزيدەنتتىڭ «التىن ساپا» بايقاۋىنا قۇجات قابىلداۋ باستالدى

استانا. قازاقپارات - قازاقستاننىڭ «اتامەكەن» ۇلتتىق كاسىپكەرلەر پالاتاسى «التىن ساپا» پرەزيدەنتتىك بايقاۋىنىڭ باستالعانىن جاريالادى.

بيىل ۇزدىكتەر ءۇش اتالىم بويىنشا انىقتالادى: «وندىرىستىك باعىتتاعى ۇزدىك كاسىپورىن»، «حالىق تۇتىناتىن تاۋارلاردى شىعاراتىن ۇزدىك كاسىپورىن» جانە «قىزمەت كورسەتەتىن ۇزدىك كاسىپورىن».

«التىن ساپا» پرەزيدەنتتىك سىيلىعى ساپالى تاۋار جانە قىزمەت كورسەتۋ سالاسىندا ۇلكەن تابىستارعا جەتكەن، تيىمدىلىگى جوعارى ساپا مەنەدجمەنتىن ءساتتى ەنگىزگەن كاسىپورىندارعا بەرىلەدى.

ءاربىر اتالىم بويىنشا كەلەسى ساناتتار بويىنشا ەكى سىيلىق بەرىلەدى:

1. ءىرى كاسىپكەرلىك سۋبەكتىسى

2. ورتا كاسىپكەرلىك سۋبەكتىسى

3. شاعىن كاسىپكەرلىك سۋبەكتىسى

«بايقاۋعا قاتىسۋ وتە وڭاي. بايقاۋ ۇيىمداستىرۋشىلارىنا 2015-جىلدىڭ 1- شىلدەسىنە دەيىن قاتىسۋ تۋرالى ءوتىنىشتى تاستاسا بولدى»، - دەلىنگەن ۇ ك پ حابارلاماسىندا.

وسى جىلدان باستاپ ۇ ك پ «قازاقستاننىڭ ۇزدىك تاۋارى» بايقاۋىنىڭ ۇيىمداستىرۋشىسى بولىپ تانىلدى. بايقاۋ «وندىرىستىك باعىتتاعى ۇزدىك تاۋار»، «حالىق تۇتىناتىن ۇزدىك تاۋار» جانە «ۇزدىك ازىق-تۇلىك تاۋارى» اتتى ءۇش اتالىم بويىنشا وتەدى.

ديپلومانتتار بايقاۋ ەمبلەماسىن ءتورت جىل بويى جارنامالىق ماقساتتارعا پايدالانۋ قۇقىعىنا يە بولادى.

اۆتور: جاسۇلان جولدىبايەۆ