قازاقستاندىق دارىلىك شوپتەر شەتەلدە سۇرانىسقا يە

استانا. قازاقپارات - وتاندىق تاۋار سانى ارتىپ كەلەدى. و ق و ورداباسى اۋدانى شۇبار يندۋستريالىق ايماعىندا فارماتسيەۆتيكالىق ءونىم شىعاراتىن «باستاۋفارم» ج ش س جۇمىس ىستەپ تۇر.

ول بەس ءجۇز جەرگىلىكتى تۇرعىندى جۇمىسپەن قامتىدى. سونداي- اق پوليەتيلەن قاپشىقتارىن شىعارۋ جەلىسىن اشۋ دا كوزدەلگەن، دەپ جازادى وتىرار. ك ز.

«باستاۋفارم» ج ش س ەكولوگيالىق تازا فارماتسيەۆتيكالىق ءونىم شىعارادى. ءبىزدىڭ دارىلىك شوپتەر قازاقستاندا ۇلكەن سۇرانىسقا يە» ، - دەدى ورداباسى اۋدانى شۇبار اۋىلدىق وكرۋگى اكىمىنىڭ ورىنباسارى امانگەلدى رىسبايەۆ.

 «باستاۋفارم» جشس ينۆەستجوباسىنىڭ ءبىرىنشى كەزەڭى دارىلىك شوپتەردى وڭدەۋدى قاراستىرسا، ەكىنشىسى - دارىلىك شوپتەردى ءوسىرۋ. جوبانىڭ جالپى قۇنى 5 ميلليون. دوللاردى قۇرايدى.

« ءبىزدىڭ ءونىم قىتايدا سۇرانىسقا يە. سوڭعى كەزدەرى ولار تابيعي شيكىزاتقا كوشتى. ءبىز ولار ءۇشىن جارتىلاي فابريكاتتار مەن دايىن ءونىمدى جەتكىزەمىز. كوپ جىلدارعا كەلىسىمشارت جاساستىق. بۇل شارتتارعا سايكەس ءتۇرلى ءونىمنىڭ 3,5 مىڭ تونناسىن جەتكىزەمىز» ، - دەدى كاسىپورىن ديرەكتورى ءابدىراحىم جۇمابەكوۆ.

 بىرلەسكەن كاسىپورىن اشىلار الدىندا جاپونيا، رەسەي، وزبەكستان جانە قازاقستان عالىمدارى قورلاردى انىقتاۋ جانە دارىلىك وسىمدىكتەردى ءوسىرۋدىڭ اگروتەحنيكالىق ادىستەرىن زەرتتەدى. ال قازىر ورداباسى اۋداندىق شارۋا قوجالىقتارىمەن كوپجىلدىق شارتتار جاسالعان.

«35 شارۋا قوجالىعىمەن كەلىسىمشارتقا تۇردىق. دارىلىك ءشوپتىڭ شامامەن 10 ءتۇرىن ءوسىرۋ ءۇشىن 10 مىڭ گا جەردى يگەرۋدى كوزدەپ وتىرمىز» ، - دەدى ءابدىراحىم جۇمابەكوۆ.

 «باستاۋفارم» ج ش س وتكىزۋ نارىعىن كەڭەيتۋدى جوسپارلاپ وتىر. بۇل جوبانى ۇكىمەت قولداسا، ءونىمدى قىتايعا عانا ەمەس، وزگە ەلدەرگە دە ەكسپورتتاۋ مۇمكىندىگى تۋادى.