قىزىلوردادا ۇزدىك يدەيا يەگەرلەرى انىقتالدى
بايقاۋدى ۇيىمداستىرۋداعى ماقسات - كاسىپكەرلىك قىزمەتتە الەۋەتتى ينۆەستورلار كوڭىل اۋداراتىن ۇزدىك بيزنەس- جوبانى تاڭداپ، يننوۆاتسيالىق، پەرسپەكتيۆتى بيزنەس- يدەيالارعا قولداۋ كورسەتۋ، جاڭا كاسىپ يەلەرىن ىنتالاندىرۋ، كاسىپكەرلىك يدەيالاردى جۇزەگە اسىرۋ مەن جوسپارلاۋ، باعالاۋ، سونداي-اق قالىپتاستىرۋعا قاجەتتى ءبىلىم الماسۋعا جاعداي جاساۋ بولىپ تابىلادى.
بايقاۋعا قاتىسۋعا اۋداننىڭ 24 تۇرعىنى ءوتىنىش ءبىلدىرىپ، اقتىق كەزەڭگە 7 ۇمىتكەر جولداما الدى. قاتىسۋشىلاردان تۇسكەن جوبالارى قۇس فەرماسىن، گازوبلوك شىعارۋ سەحىن اشۋ، پلاستيك ەسىك-تەرەزە شىعارۋ، جىلىجاي، قۇراما جەم شىعارۋ جانە مال بورداقىلاۋ الاڭىن سالۋ، ماكارون، نان ونىمدەرىن شىعارۋ ت. ب. تاقىرىپتارعا ارنالعان.
بايقاۋعا وبلىس اكىمىنىڭ ورىنباسارى عالىم امىرەيەۆ، وبلىستىق كاسىپكەرلەر پالاتاسىنىڭ ديرەكتورى رۋسلان دوسماحانوۆ، اۋدان باسشىسى قايراتبەك سارسەنبايەۆ، «دامۋ» ا ق قىزىلوردا وبلىستىق فيليالىنىڭ ديرەكتورى جانسۇلتان ماتايەۆ تورەلىك ەتتى.
ساراپتاۋ كەڭەسى 3 ۇمىتكەردىڭ جوباسىن ومىرشەڭ، بولاشاعى بار دەپ تانىپ، بايقاۋ قورىتىندىسىمەن، بالىق ونىمدەرىن وڭدەۋ سالاسىنا ماماندانىپ جۇرگەن نۇرلان امانجولوۆ 1- ورىندى، كىلەم سەحى تۋرالى جوباسىمەن پەريزات پارمەنقۇلوۆا 2- ورىندى، ماكارون ونىمدەرىنە قاتىستى جوباسىمەن قارلىعاش سەيتەنوۆا 3- ورىندى يەلەندى.
بىرنەشە جىلدان بەرى كاسىبىن اشۋدى جوسپارلاپ، ىزدەنىپ جۇرگەن بايقاۋ جەڭىمپازى نۇرلان امانجولوۆ بۇل بايقاۋدىڭ ءوز ءىسىن اشۋعا شابىتتاندىرعاندىعىن، ەندى ءوز بيزنەسىن اشۋعا دايىندالاتىندىعىن جەتكىزدى.
ايتا كەتۋ كەرەك، بيزنەس-يدەيالار بايقاۋىنا «K-Group» ج ش س، «دورستروي» ج ش س جانە « قىزىلوردا كىرپىش زاۋىتى» ج ش س دەمەۋشىلىك جاسادى.
