ق ب ت ۋ الەمدەگى ەڭ ءىرى عىلىمي-زەرتتەۋ ينستيتۋتتار ورتالىعىمەن ىنتىماقتاستىق تۋرالى مەماراندۋمعا قول قويدى
ماگدەبۋرگ قالاسىندا وتكەن كەزدەسۋگە «تەحنولوگيالىق دامۋ بويىنشا ۇلتتىق اگەنتتىگى» (ت د ۇ ا) باسقارما ءتوراعاسىنىڭ مىندەتىن اتقارۋشى سانجار ىزتىلەۋوۆ پەن ق ب ت ۋ رەكتورى يسكاندەر بەيسەمبەتوۆ باستاعان قازاقستاندىق دەلەگاتسيا باردى.
مەموراندۋم ماقساتى - ق ب ت ۋ بازاسى نەگىزىندە «ت د ۇ ا» ا ق قارجىلىق قولداۋىمەن جانە فراۋنحوفەر قوعامىنىڭ مىقتى تەحنولوگيالىق الەۋەتىن بەلسەندى تارتۋ ارقىلى ۆيرتۋالدى ينجەنەريا ورتالىعىن قۇرۋ.
مەموراندۋم 2012-جىلى اقپان ايىندا ق ر پرەزيدەنتى ن. نازاربايەۆتىڭ گەرمانياعا رەسمي ساپارى بارىسىندا قول قويىلعان شيكىزات، ونەركاسىپ جانە تەحنولوگيالىق شەڭبەردەگى ارىپتەستىك جونىندەگى ۇكىمەتارالىق كەلىسىمىنىڭ جۇزەگە اسۋىنا ماڭىزدى ۇلەس قوسادى.
فراۋنحوفەر قوعامى - الەمدەگى ەڭ ءىرى عىلىمي-زەرتتەۋ ينستيتۋتتارىنىڭ ورتالىعى. قازىرگى ۋاقىتتا ينستيتۋتتىڭ 17 مىڭعا جۋىق قىزمەتكەرى 80 عىلىمي ۇيىمدا، سونىڭ ىشىندە گەرمانيانىڭ 40 قالالارىنداعى 59 ينستيتۋتىندا جانە ا ق ش، ەۋروپا، ازيا ەلدەرىندەگى فيليالدار مەن وكىلدىكتەرىندە شوعىرلانعان.