ەلباسى ن. قاپپاروۆتىڭ قايتىس بولۋىنا بايلانىستى ونىڭ تۋىستارىنا كوڭىل ايتتى

استانا. قازاقپارات - مەملەكەت باسشىسى نۇرسۇلتان نازاربايەۆ «قازاتومونەركاسىپ» ۇ ا ك» ا ق باسقارما ءتوراعاسى نۇرلان قاپپاروۆتىڭ قايتىس بولۋىنا بايلانىستى ونىڭ وتباسى مەن جاقىندارىنا كوڭىل ايتۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتىنەن حابارلادى.

جەدەلحاتتا ەل تاۋەلسىزدىگىنىڭ العاشقى جىلدارىندا ن. قاپپاروۆ جاستار اراسىنان دارالانىپ شىققان كاسىپكەر رەتىندە تانىلعانى اتاپ وتىلگەن. ول ءار جىلدارى «قازاقويل» ۇلتتىق مۇنايگاز كومپانياسى» ج ا ق پرەزيدەنتى، قورشاعان ورتا جانە سۋ رەسۋرستارى ءمينيسترى، «قازاتومونەركاسىپ» ۇ ا ك» ا ق باسقارماسىنىڭ ءتوراعاسى بولدى، سونداي- اق باسقا دا جاۋاپتى لاۋازىمداردا وزىنە جۇكتەلگەن مىندەتتەردى ابىرويمەن اتقاردى.

«ن. قاپپاروۆ ءوزىنىڭ مول ءبىلىمى مەن تاجىريبەسىن ءاردايىم ەلىمىزدىڭ ءوسىپ- وركەندەۋىنە جۇمساعان دارىندى ۇيىمداستىرۋشى بولدى. حالقىمىز ونىڭ ەسىمى مەن ەڭبەگىن ۇمىتپايدى» ، - دەلىنگەن جەدەلحاتتا.