13:45, 26 - ناۋرىز 2015 | GMT +6
جاپونيا عارىشقا تىڭشى - سپۋتنيك ۇشىردى
استانا. قازاقپارات - جاپونيا بۇگىن 10:21 دە تانەگاسيما ارالىنداعى عارىش ايلاعىنان «كوگاكۋ-5» («وپتيكا-5») تىڭشى - سپۋتنيكتى H-2A زىمىرانىن ۇشىردى، دەپ حابارلايدى Bnews.kz.
Mitsubishi Heavy Industries كومپانياسى جاساپ شىعارعان اپپارات وربيتاعا شىعارىلدى. «كوگاكۋ-5» 2009-جىلى دايىندالعان «كوگاكۋ-3» اپپاراتىنىڭ جەتىلدىرىلگەن نۇسقاسى.
اپپارات 40 سانتيمەترلىك زاتتى انىق تۇسىرەتىن كامەرالارمەن جابدىقتالعان. «كوگاكۋ-5» بارلاۋشى اپپارات بولعاندىقتان، ونىڭ كولەمى، سالماعى جانە باسقا دا مالىمەتتەر قۇپيا ساقتالادى. توكيو باسىلىمدارىنىڭ پايىمداۋىنشا، اپپارات وربيتاعا ك ح د ر جايلى اقپاراتتار جيناۋ ءۇشىن ۇشىرىلعان.
2014-جىلدىڭ مامىرىنان بەرى جاپونيا ۇكىمەتى وسىنداي 5 اپپاراتتى ۇشىرعان، الداعى 3 جىل ىشىندە تاعى 14 تىڭشى - سپۋتنيكتى زىمىران ۇشىرۋدى جوسپارلاپ وتىر.