جانكۇيەرلەردى جەرگە قاراتپاۋعا تىرىسامىز

None
None
«يسلانديا قۇراماسى مىقتى قارسىلاس، ولار ءبىزدىڭ ىرىكتەۋ توبىمىزداعى ماتچتاردا 9 ۇپاي جينادى. ءبىز دە قولىمىزدان كەلگەندى ايانعان جوقپىز. ارينە، ءبىزدىڭ قۇراما شەبەرلىك جاعىنان ەۋروپانىڭ جەتەكشى كوماندالارىنا جول بەرۋى مۇمكىن، ايتسە دە ءبىز قارسىلاستارىمىزعا لايىقتى ويىن ۇلگىسىن تانىتىپ، ءوز جەرىمىزدە وتەتىن ويىن بولعاندىقتان جەرگىلىكتى جانكۇيەرلەر قولداۋى ارقاسىندا الاڭنىڭ قاي تۇسىندا بولماسىن ساۋاتتى ارەكەت جاساپ، ۇستەمدىك كورسەتە الامىز دەپ ويلايمىن»، - دەيدى ر. ابدۋلين.

بۇل رەتتە ۇلتتىق قۇراما ويىنشىسى قازاقستاننىڭ فۋتبول كومانداسى باسقالارمەن سالىستىرعاندا الدە قايدا جاستاۋ ەكەنىن، سولاي بولا تۇرا كۇن سايىن شەبەرلىكتەرىمەن شىڭدالىپ جاتقانىن العا تارتادى. «مەن جانكۇيەرلەردى قازاقستان مەن يسلانديانىڭ ويىنىن تاماشالاۋعا شاقىرامىن. كەز كەلگەن فۋتبولشى ءۇشىن جانكۇيەرلەر تاراپىنىڭ قولداۋىن سەزىنۋ جاۋاپكەرشىلىكتى ارتتىرا تۇسەدى. سوندىقتان دا، ءبىز الاڭدا بار كۇشىمىزدى سالىپ، جانكۇيەرلەردى جەرگە قاراتپاۋعا تىرىسامىز»، - دەدى ول.

ەسكە سالا كەتەيىك، قازاقستان مەن يسلانديا اراسىنداعى ىرىكتەۋ تۋرنيرىنىڭ ماتچى ەلورداداعى «استانا ارەنا» سپورت كەشەنىندە 28- ناۋرىزدا ساعات 21:00 دە وتەدى.

اۆتور: قانات مامەتقازى ۇلى

سوڭعى جاڭالىقتار