05:02, 26 - ناۋرىز 2015 | GMT +6
جولاۋشىلار اۆتوبۋسى وتقا وراندى
استانا. قازاقپارات - ىستامبۇلدا زەندجيرليكويۋ-اۆدجىلار باعىتىندا قاتىنايتىن قوعامدىق اۆتوبۋس ورتەندى. جولاۋشىلار ءدىن امان. ولار وقيعا ورتاسىنان دەر كەزىندە قۇتقارىلدى.
كولىكتىڭ قوزعالتقىش بولىگىنەن شىققان جالىن بۇكىل اۆتوبۋستىڭ ءىشىن شارپىدى. ءورت ءسوندىرۋ قىزمەتى كەلەمىن دەگەنشە، كولىكتىڭ تەك تەمىر قاڭقاسى عانا قالدى. قازىر ماماندار ءورتتىڭ شىعۋ سەبەبىن انىقتاۋ ۇستىندە.
سوڭعى ۋاقىتتا بۇل اۆتوبۋستىڭ ساپاسىنا قاتىستى ارىز- شاعىمدار كوبەيگەن. تۇرىك اقپارات قۇرالدارى ىستامبۇل اكىمشىلىگى ءارقايسىسى 1 ميلليون 200 مىڭ ەۋرو تۇراتىن 26 مەترلىك Phileas اۆتوبۋستارىنىڭ ەلۋىن ساتىپ العاندىعىن حابارلايدى.
اۆتورى: ەرجان ءجۇنىس
