قازاقستان حالقى لي كۋان يۋدىڭ ەكى ەل اراسىنداعى دوستىقتى نىعايتۋعا قوسقان ۇلەسىن ەشقاشان ۇمىتپايدى - ن. نازاربايەۆ
بۇل تۋرالى اقوردانىڭ باسپا ءسوز قىزمەتىنەن حابارلادى.
جەدەلحاتتا قازاقستان پرەزيدەنتى سينگاپۋر مەملەكەتىنىڭ نەگىزىن قالاعان جاھاندىق اۋقىمداعى كورنەكتى ساياسي قايراتكەر لي كۋان يۋدىڭ قايتىس بولعانى تۋرالى حاباردى كۇيزەلە قابىلداعانى ايتىلعان.
«ءبىز ءجيى كەزدەسىپ تۇردىق. مەن ونى جاقىن دوس سانادىم، ودان كوپ تاجىريبە الدىم. ورنى تولماس قايعىنى بولىسە وتىرىپ، قازاقستان حالقىنىڭ جانە جەكە ءوز اتىمنان تۋعان- تۋىستارى مەن جاقىندارىنا، سونداي- اق بارشا سينگاپۋر حالقىنا كوڭىل ايتامىن» ، - دەلىنگەن جەدەلحاتتا.
نۇرسۇلتان نازاربايەۆ سينگاپۋردىڭ الەمدىك بەدەلىن نىعايتىپ، ونىڭ ازياداعى جەتەكشى ەل رەتىندە قالىپتاسۋى ءۇشىن لي كۋان يۋدىڭ وراسان كۇش- جىگەر جۇمساعانىن جانە سول ارقىلى ارتىنا وشپەس مۇرا قالدىرعانىن اتاپ وتكەن.
«قازاقستان حالقى لي كۋان يۋدىڭ ءبىزدىڭ ەلدەرىمىزدىڭ اراسىنداعى بەرىك دوستىق قاتىناستاردى نىعايتۋعا قوسقان زور ۇلەسىن ەشقاشان ۇمىتپايدى» ، - دەلىنگەن جەدەلحاتتا.