وڭتۇستىك ءوڭىرى سوڭعى جىلدارى ناۋرىز مەيرامىن ەرەكشە اتاپ ءوتۋ ءداستۇرىن ەنگىزدى
«سىزدەردى ۇلىستىڭ ۇلى كۇنى - ناۋرىز مەرەكەسىمەن شىن جۇرەكتەن قۇتتىقتايمىز! ۇلت پەن ۇلىستى ۇيلەستىرىپ، كۇن مەن ءتۇندى تەڭەستىرەتىن وسى كۇن جىل سايىن جاڭارۋ مەن جاسامپازدىقتىڭ مەرەكەسى رەتىندە دە حالقىمىزعا قۋانىش سىيلاپ كەلەدى. ەلباسى - «ناۋرىز ەلدىڭ داستۇرىندە ەجەلدەن جاڭا مەن جاقسىنىڭ، مەيىرىم مەن يماندىلىقتىڭ باستاۋى بولىپ وتىرعان. بۇل كۇن - جاڭارۋ، جاسارۋ، جاسانۋ ۋاقىتى. بۇل مەزگىل ەڭبەك پەن ىسكەرلىكتىڭ، ىجداعاتتىلىق پەن ىنتىماقتىڭ، باۋىرمالدىق پەن دوستىقتىڭ التىن ارقاۋىن ودان ءارى بەكىتە تۇسەدى. ناۋرىز جاڭا باستامالاردىڭ ومىرگە دەندەپ ەنۋىنە نەگىز قالايدى»، دەدى.
حالقىمىز ەجەلدەن بۇل مەرەكەنى جاڭالىق پەن جاقسىلىقتى ايشىقتايتىن ءارى وتكەندى سارالاپ، بۇگىندى باعامدايتىن كەزەڭ دەپ بىلگەن. بيىلعى جىلىمىز ەلەۋلى كەزەڭدەرگە تولى، قازاقستان حالقى اسسامبلەياسى جىلى مەن كونستيتۋتسيانىڭ 20 جىلدىعى، ۇلى جەڭىستىڭ 70 جىلدىعى، قازاق حاندىعىنىڭ 550 جىلدىعىن كەڭ كولەمدە اتاپ ءوتۋ باستالىپ تا كەتتى. ۇلتىمىزدىڭ ۇيىتقىسى سانالاتىن وڭتۇستىك ءوڭىرى سوڭعى جىلدارى ناۋرىز مەيرامىنىڭ ءمان-ماعىناسىنا ساي ەرەكشە اتاپ ءوتۋ ءداستۇرىن ەنگىزىپ وتىر. مەرەكە توعىز كۇن بويى «الاس»، «بەرەكە»، «جايناۋ» «مەيىرىم»، «قۇرمەت»، «شاتتىق»، «تاعزىم»، «ۇيلەسىم»، « ۇلىس» كۇندەرى رەتىندە ۇلتتىق سيپاتتا اتالىپ وتۋدە»، دەپ اتاپ ءوتتى ايماق باسشىسى.
«قادىرلى جەرلەستەر! باق باعالاعاننىڭ باسىندا تۇرادى، قاستەرلەي بىلمەسە، قاسيەتتىڭ دە قۇنى قالمايدى، دەيدى حالىق دانالىعى. باعىندىرعان بەلەستەرىمىزدىڭ بارلىعى تاۋەلسىزدىك تۋى استىنا جينالعان حالىقتىڭ ماڭگىلىك ەلگە ۇمتىلعان بەرەكەلى بىرلىگى مەن تاباندى تىرلىگىنىڭ ناتيجەسى. ناۋرىز مەرەكەسى ەل ىنتىماعىن، ىرىسىن ارتتىرسىن. ءار شاڭىراققا شاتتىق، باق-بەرەكە تىلەيمىز! ۇلىس وڭ بولسىن، اق مول بولسىن، ارداقتى اعايىن!»، دەلىنگەن قۇتتىقتاۋدا.
