ە ا ە و ەلدەرىنىڭ ۇكىمەتتەرىنە ءوزارا ساۋدا كولەمىن قالپىنا كەلتىرۋ تاپسىرماسى بەرىلەدى - ق ر پرەزيدەنتى
«ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋعا، ۇكىمەتتەرگە تۋىندايتىن ماسەلەلەردى دەر كەزىندە شەشۋگە تاپسىرما بەرۋ تۋرالى كەلىستىك. ۇكىمەتتەرگە ءوزارا ساۋدا كولەمىنىڭ ءوسىمىن قالپىنا كەلتىرۋ تاپسىرماسىن بەرەمىز. سونىمەن بىرگە ءبىز بايقاپ وتىرعان داعدارىستارعا ارەكەت ەتۋ بويىنشا جەدەل شەشىمدەردى قابىلداپ، تالقىلاۋ ءۇشىن وسىنداي ىسكەرلىك بەيرەسمي كەزدەسۋلەردى وتكىزۋ تاجىريبەسىن جالعاستىرۋعا كەلىستىك»، - دەدى ەلباسى.
مۇنىمەن قوسا، ق ر پرەزيدەنتى ۋكراينانىڭ وڭتۇستىك-شىعىسىنداعى شيەلەنىس بويىنشا قازاقستان تاراپى پروبلەمانى ديپلوماتيالىق جولمەن شەشۋ ۇستانىمىندا ەكەنىن قاداپ ايتتى. مەملەكەت باسشىسى قازاقستان ۇلى جەڭىستىڭ 70 جىلدىعىنا بايلانىستى ماسكەۋدە مەرەكەلەنەتىن شارالارعا بەلسەندى قاتىساتىندىعىن جەتكىزدى.
ن. نازاربايەۆ قازاقستان ت م د ءتوراعاسى ەكەنىن ايتا كەلە، وسى ورايدا مەملەكەت باسشىلارىن بيىل كۇزدە استاناعا كەلۋگە شاقىردى.
اۆتور: رۋسلان عابباسوۆ
