قازاقستان قىرعىزستاندىق وقۋشىلارعا جاڭا مەكتەپ سالىپ بەردى - فوتو

None
None
بىشكەك. قازاقپارات - بۇگىن بىشكەكتەگى «الا-توو» تۇرعىن ءۇي الاڭىندا قىرعىزستان پرەزيدەنتى المازبەك اتامبايەۆتىڭ جانە ق ر- داعى قازاقستان ەلشىسى بەيبىت يسابايەۆتىڭ قاتىسۋىمەن قازاقستان ۇكىمەتى بولگەن قاراجات ەسەبىنەن سالىنعان 82№ ورتا ءبىلىم بەرۋگە ارنالعان جاڭا مەكتەپ سالتاناتتى تۇردە اشىلدى.

قۇتتىقتاۋ سوزبەن ءسوز سويلەگەن قىرعىزستاندىق كوشباسشى جاڭا مەكتەپ سىيعا تارتقانى ءۇشىن قازاقستان پرەزيدەنتىنە ۇلكەن العىس ايتتى. «ءبىرىنشى كەزەكتە، نۇرسۇلتان نازاربايەۆقا العىس بىلدىرگىم كەلەدى. ول قاي كەزدە دە كومەگىن ايامايدى، ءتۇرلى ماسەلەلەردى شەشۋ كەزىندە قول ۇشىن سوزادى»، - دەدى ا. اتامبايەۆ.

قازاقستاندىق ەلشى ب. يسابايەۆ ءوز سوزىندە ەلدەر اراسىنداعى اعايىندىق دوستىق قارىم-قاتىناستى، الداعى ۋاقىتتا دا قىرعىزستاننىڭ دامۋىنا قولدان كەلگەنشە كومەكتەسەتىنىن اتاپ ءوتتى. ب. يسابايەۆ مەكتەپ ديرەكتورى اتىركۇل قونىسبايەۆاعا IT- تەحنولوگيانىڭ سوڭعى جەتىستىكتەرىمەن جابدىقتالعان ينتەراكتيۆتىك وقۋ سىنىبىنىڭ سەرتيفيكاتىن تابىستادى.

وقۋ ورنىنىڭ باسشىسى ا. قونىسبايەۆا العىس سوزىندە بۇرىنعى ەسكى مەكتەپ ءۇش اۋىسىممەن جۇمىس ىستەگەنىنە توقتالدى. جاڭا كەشەن 1450 ورىندىق، دايىندىق ساباقتارىن قوسقاندا، ەكى اۋىسىم رەجىمىندە جۇمىس ىستەيتىن بولادى. مەكتەپ 100 پايىز پەداگوگتارمەن قامتىلعان. ءتورتىنشى توقساندا وقۋشىلاردى قابىلداۋعا دايىن.

قىرعىزستان پرەزيدەنتى ا. اتامبايەۆ پەن ق ر ەلشى ب. يسابايەۆ وقۋ سىنىپتارىن، سپورت زالدى ارالاپ، ەستەلىككە ەڭبەك ۇجىمىمەن، اتا-انالارمەن سۋرەتكە ءتۇستى.

جاڭا مەكتەپتە ءپان كابينەتتەرى، اكت زالى، مەتالل، ماتا جانە ت. ب. وڭدەۋ شەبەرحاناسى بار. وقۋشىلار ارنايى شەبەرلىك، باعدارلامالاۋ، قوسىمشا ساباقتارعا ارنالعان امبەباپ ءۇي-جاي، گيمناستيكا زالىمەن جابدىقتالعان. مەدپۋنكت پەن اسحانا جۇمىس ىستەيدى. مەكتەپ اۋلاسى ەكى اشىق ۆولەيبول، باسكەتبول، فۋتبول الاڭدارىمەن جاراقتالعان.











سوڭعى جاڭالىقتار