اقتوبەلىكتەر تەحنولوگيا كومەگىمەن كيىز ءۇي جاسادى - فوتو
كاسىپورىن بەكىتۋشى ماتەريالداردى شىعارۋمەن جانە مەتالل وڭدەۋمەن اينالىسادى.
وتكەن جىلى كاسىپورىندى «قازاقستاننىڭ ۇزدىك تاۋارى» بايقاۋ-كورمەسىنە شاقىرعاندا ج ش س ديرەكتورى جاندوس پانگەرەيەۆ ءوز ونىمدەرىن ەمەس، سول ونىمدەردەن جاسالعان كيىز ءۇيدى قويۋدى ءجون ساناعان. 3D- ستانوگى ءۇشىن تاپسىرىستى تەحنيكالىق ديرەكتور ولگا گەنريح دايىنداعان، جۇمىستى كومپانيانىڭ ماماندارى جاسادى.
تەحنيكالىق ديرەكتور ايتقانداي، يننوۆاتسيالىق كيىز ءۇيدى جاساۋ كەزىندە جەڭىلدەتىلگەن بەكىتكىش، ديستانتسيالىق شايبالار، شتانگتەر پايدالانىلعان.
«كيىز ءۇيدىڭ ەسىكتەرى 3D- ستانوكتا جاسالدى. كيىز ءۇيدى ءبىزدىڭ اتا-بابالارىمىز ويلاپ تاپقان. ونىڭ شاڭىراعى ەلىمىزدە تۇراتىن بارلىق حالىقتاردىڭ بەيبىتشىلىكتە جانە ءوزارا كەلىسىمدە ءومىر ءسۇرۋىنىڭ سيمۆولى بولىپ تابىلادى»، - دەيدى ج ش س ديرەكتورى.
50 تونناعا دەيىنگى سالماقتى كوتەرە الاتىن بۇل قۇرىلىم تەز جينالىپ، تەز قۇرىلادى.
