12:20, 19 - ناۋرىز 2015 | GMT +6
قىتايلىق ينۆەستورلار قازاقستاندا مەتاندى سۇيىتۋ زاۋىتىن سالۋدى ۇسىندى
استانا. قازاقپارات - قىتايلىق ينۆەستورلار قازاقستاندا مەتاندى سۇيىتۋ زاۋىتىن سالۋدى ۇسىندى. بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە «KAZENERGY» قاۋىمداستىعىنىڭ باس ديرەكتورى اسەت ماعاۋوۆ ءمالىم ەتتى.
ونىڭ سوزىنە قاراعاندا، قازاقستانداعى گازدىڭ نەگىزگى كولەمى ىلەسپە تۇرىندە كەزدەسەدى، سونداي-اق وتكەن جىلداردا وعان اسا كوڭىل بولىنبەيتىن. مۇنىمەن قوسا، بۇرىندارى تاسىمالداۋ مۇمكىندىكتەرىنە بايلانىستى گازدى تۇتىنۋ شەكتەۋلى بولعان ەدى.
«الايدا تەحنولوگيالاردىڭ دامۋى جاڭا مۇمكىندىكتەر اشىپ وتىر. ەگەر بۇرىندارى مەتاندى سۇيىلتۋ بويىنشا تەحنولوگيالار تەك تەڭىزدەگى تاسىمالداۋ دالىزدەرىندە پايدالانىلسا، قازىرگى كەزدە شاعىن زاۋىتتاردىڭ قۇرىلىسىن سالۋ جەتكىلىكتى. وسى ورايدا ونىڭ ەكونوميكالىق نەگىزدەلگەن تاسىمالىن قامتاماسىز ەتىپ، ەلدى مەكەندەرگە جەتكىزۋگە بولادى. بۇل تۇرعىدا مەتاندى سۇيىلتۋ زاۋىتىنىڭ قۇرىلىسىن قىتايلىق ينۆەستورلار ۇسىنىپ وتىر. ەندى تەحنيكالىق جانە ەكونوميكالىق شارالار قاراستىرىلۋدا»، - دەدى ول.
اۆتور: رۋسلان عابباسوۆ
