نۇرسۇلتان الەم چەمپيوناتىنا جولداما الدى

None
None
قىزىلوردا. قازاقپارات - الماتى قالاسىندا قول كۇرەستىرۋدەن جانە گىر سپورتىنان جاسوسپىرىمدەر، جاستار، ارداگەرلەر اراسىندا قازاقستان رەسپۋبليكاسىنىڭ چەمپيوناتى ءوتتى.

رەسپۋبليكامىزدىڭ بارلىق وڭىرىنەن 500 گە جۋىق سپورتشى قاتىسقان بايراقتى باسەكەدە قىزىلوردالىقتار نامىستى قولدان بەرمەي جۇلدەلى ورالدى، دەپ حابارلادى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن.

جاسوسپىرىمدەر اراسىندا قول كۇرەسىنەن 70 كەلىگە دەيىنگى سالماقتا جاڭاقورعاندىق ماقسۇت شەرحان كۇمىس جۇلدەنى ەنشىلەدى. جاستار اراسىندا گىر كوتەرۋدەن سىنعا تۇسكەن سىرداريالىق نۇرسۇلتان كولدەيەۆ 68 كەلى سالماقتا جەڭىمپاز اتانىپ، قىركۇيەك ايىندا يرلانديانىڭ دۋبلين قالاسىندا بولاتىن الەم چەمپيوناتىنا جولداما الدى. ەندى نۇرسۇلتان 17-22- ماۋسىمدا پەتروپاۆل قالاسىندا وتەتىن ەرەسەكتەر اراسىنداعى قازاقستان چەمپيوناتىنا قاتىسادى.

ارداگەرلەر اراسىندا قول كۇرەستەن سىرداريالىق قوس سپورتشى 70+ كەلىدە اقايشا شايماعامبەتوۆا جەڭىس تۇعىرىنا كوتەرىلسە، 80 كەلىدە تولەگەن جاقىپ كۇمىس جۇلدەنى يەلەندى. ال گىر سپورتىنان قازالىلىق قالي رۇستەموۆ 80 كەلىگە دەيىنگى سالماقتا كۇمىس جۇلدەگە قول جەتكىزدى.

سونداي-اق، وسى جارىستا قول كۇرەستەن مۇمكىندىگى شەكتەۋلى سپورتشىلار اراسىندا جاڭاقورعاندىقتار جاقسى ونەر كورسەتتى. اتاپ ايتساق، 90 كەلىگە دەيىنگى سالماقتا راتبەك فازىلوۆ كۇمىس جۇلدەنى، 60 كەلىگە دەيىنگىدە قۋانىش ابيبۋللايەۆ قولا جۇلدەگە يە بولدى.

اۆتور: ەلۋباي اۋەزوۆ

سوڭعى جاڭالىقتار