قازاقستان مەن ا ق ش اراسىنداعى ستراتەگيالىق سەرىكتەستىك جوعارى دەڭگەيدە - ەلباسى
«قازاقستان مەن ا ق ش اراسىنداعى كوپ سالالى ستراتەگيالىق سەرىكتەستىكتىڭ جوعارى دەڭگەيىنە كوڭىلىم تولادى. ا ق ش قازاقستاننىڭ تاۋەلسىزدىگىن الەم مەملەكەتتەرى اراسىندا العاشقىلاردىڭ ءبىرى بولىپ تانىعان بولاتىن. سونىمەن بىرگە ءبىزدىڭ قاۋىپسىزدىگىمىزگە كەپىلدىك بەردى. وزدەرىڭىز بىلەسىزدەر، قازاقستان كەزىندە يادرولىق قارۋدان باس تارتىپ، دۇنيەدەگى ەڭ ۇلكەن پوليگوندى جاپتى»، - دەپ توقتالدى ەلباسى.
مەملەكەت باسشىسى بۇگىندە رەسمي ۆاشينگتون مەن استانا اراسىندا بيىك دەڭگەيدەگى سەرىكتەستىك پەن سەنىم ديالوگ قالىپتاسقانىن، ۇكىمەتارالىق جانە ۆەدومستۆوارالىق تىعىز قاتىناستار جوعارى باعالانىپ وتىرعاندىعىن اتاپ ءوتتى.
«رەسۋرس ءوندىرۋ، ونى الەمدىك نارىقتارعا تاسىمالداۋ، ەنەرگەتيكالىق سەرىكتەستىگىمىز بەلسەندى دامىپ كەلەدى. قازاقستاندا 400 دەن استام ەكى ەلدىڭ بىرلەسكەن كاسىپورىندارى جۇمىس ىستەيدى. وتكەن جىلدىڭ وزىندە ەكى ەل اراسىنداعى تاۋار اينالىمى 2,5 ميلليارد دوللار بولدى»، - دەدى پرەزيدەنت.
اۆتور: رۋسلان عابباسوۆ
