جۇلدىزدار بالالارىنا قانداي ات قويادى؟ - فوتو
ودان ءسال ەرتە، دالىرەك ايتقاندا، وتكەن جىلدىڭ 11 - قاراشاسى كۇنى سۇيىكتى جارى دينارا ءانشى ەركىن نۇرجانعا شەكەسى تورسىقتاي ۇل سىيلاعانىن بىلەمىز. ول ۇلعا اتتى العاشقى نەمەرەسى بولعاندىقتان ءانشىنىڭ ءوزى ەمەس، اكەسى، ياعني، نارەستەنىڭ اتاسى قويدى. سونىمەن، ءسابي ەسىمى - قايىر.
2013 - جىلى 14 جىلدىق ۇزىلىستەن كەيىن ەكىنشى رەت اكە اتانعان ساكەن مايعازيەۆ قىزىنا رايانا دەگەن ەسىم قويدى. رايان - «جۇماققا كىرەتىن قاقپا» دەگەن ماعىنا بەرەدى. رايانا ەسىمىن ساكەن مايعازيەۆتىڭ اناسى دا قولداپ، وسىلاي اتاۋدى ءجون كورىپتى.
ايشا مەن بۇركىت ۇلدارى تۋىلسا دا، قانشا ۋاقىت ونى ەلگە كورسەتپەي تىعىپ جۇرگەنىن بىلەمىز. سول كىشكەنتايدىڭ اتى زەيىن ەكەنىن ءبىز كەيىن بىلدىك. جانە العاش جۇرتشىلىققا نارەستەنىڭ ءجۇزىن جارق ەتكىزگەن قايرات نۇرتاس بولاتىن. وقيعا اياق استى بولعان، ياعني، قايرات بۇركىت اعاسى مەن ايشا جەڭگەسىمەن ءبىر ۇشاقتا كەزدەسىپ، سول ساتتە نارەستە كوتەرگەن جاس جۇبايلاردى سارت ەتكىزىپ ءتۇسىرىپ الا قويادى.
تاياۋدا قايرات نۇرتاستىڭ ءوزى ۇلدى بولعانىن بىلسەك تە، ءۇش قىزدان كەيىن ۇزاق كۇتتىرىپ بارىپ دۇنيەگە كەلگەن سول نارەستەگە ازان شاقىرىلىپ، حان دەپ ات قويىلعانىن بىلە بەرمەيمىز.
ال جالپى، ەسىمى ەلگە بەلگىلى جۇلىزداردىڭ ۇيىندە ءوسىپ كەلە جاتقان بالالاردىڭ اتىن بىلە جۇرسەك، ارتىقتىق ەتپەس. ماسەلەن، بەلگىلى تەلەجۇرگىزۋشى ايگۇل مۇكەي ۇلىنا اسانالى دەپ ات قويسا،
ءمادينا ءسادۋاقاسوۆا بىلتىر تۇلا بويى تۇڭعىشى ءانۋاردى دۇنيەگە اكەلگەنىن بىلەمىز.
ازىرگە الماس كىشكەنبايەۆتا زەرە اتتى جالعىز قىز بار.
اۆتور: ءماريام جاگور قىزى
Alashainasy.kz
