قاتە جازۋ - قازاقتىڭ باس اۋرۋىنا اينالدى

None
None
استانا. قازاقپارات - پرەزيدەنتتىككە ۇمىتكەرلەردىڭ ءبىرى 92 قاتە جىبەرىپ ايدى اسپانعا شىعارعاندا سەلت ەتپەدىك-اۋ، شىركىن! كۇلدىك تە قويدىق.

قالعاندارى ەكى بەت جازبادان 30-40 قاتەدەن جىبەرگەندە قالىپتى قۇبىلىس سياقتى قابىلدادىق. سەگىز قاتە جىبەرگەننىڭ ارقاسىنان قاعىپ، ارى قاراي اق جول تىلەدىك.

مىرزاتاي كوكەمنىڭ انا سۇمدىقتاردان كەيىن «سەگىز قاتەنىڭ» يەسىمەن جىلاپ كورىسكەندەي بولعانىن تۇسىنۋگە بولادى ەندى.

جۋرناليست- رەداكتور جارىلقاپ قالىباي قازاق ءتىلىنىڭ سىناعىنان سۇرىنبەي ءوتىپ، قاتەسىز جازۋعا دا بولاتىنىن دا كورسەتىپ بەرگەندە ءتىپتى قۋانعاننان جۇرەگىمىز جارىلىپ كەتە جازدادى. «جاقاڭ ەندى ۇمىتكەر بولادى» دەپ ەمەس، «قازاقشا ساۋاتتى جازاتىن ادامدار ءالى بار ەكەن عوي» دەپ قۋاندىق. كانىگى مامان مىرزاتاي اعامنىڭ «جەردەن جەتى قويان» تاپقانداي قۋانعانى دا وسى كەز.

قۋانباي قايتسىن، قازاقشا ساۋاتتى جازاتىندار قازىر «راريتەتكە» اينالىپ بارادى. بۇرىن ورىسشا وقىعاندار قازاقشادان قاتە جىبەرەتىن. ەندى انا تىلىندە ءبىلىم العان، بويىنان اۋىلدىڭ ءيىسى اڭقىپ تۇرعان ازاماتتاردىڭ ءوزى ساۋاتتى جازۋعا كەلگەندە مۇدىرە بەرەتىن بولدى. مەكتەپتە وقىعان گرامماتيكالىق ساۋاتىمىزدى الەۋمەتتىك جەلىنىڭ، ۇيالى تەلەفوننىڭ ءتىلى بۇزىپ جاتىر.

 بەلگىلى قازاقشا سايتتار عالامتوردىڭ «جارگوندارىن» اينا قاتەسىز كوشىرىپ باسۋدى ادەتكە اينالدىرىپ بارادى. بۇل ءۇردىس جايلاپ گازەتتەرگە دە اۋىز سالا باستادى. ەندى ءبىر ون جىلدان سوڭ مىرزاتاي كوكەم (جاسى ۇزاق بولسىن) ۇمىتكەردىڭ جازعان جازباسىن تۇسىنبەي، بۇگىنگى كۇنىن ساعىنىپ وتىرماي ما ەكەن دەگەن قاۋىپ بار كوڭىلدە.

سەنبەسەڭىز ءوزىڭىزدى سول ۇمىتكەردىڭ ورنىنا قويىپ، كەلتەحاتتار مەن الەۋمەتتىك جەلىلەردەگى ستيلمەن شىعارما جازىپ كورىڭىزشى! مەن جازىپ كوردىم. تاقىرىبى - تاۋەلسىزدىك !

« ەليميز تاۋەلسيزديك الگالى كوپ بولدى عو. سودان بەري كوپ جۋمىس يستيەۆاتىرمىز. اسيرەسە، تيل كاتتى دامىۆاتر...»

وسىدان كەيىن قاتە جازۋ- قازاقتىڭ باس اۋرۋىنا اينالعانىنا مويىنداماسقا امال جوق.

ارمان نۇرقاليەۆ

ult.kz

سوڭعى جاڭالىقتار