شەشەندەر باسقا ۇلتقا قىز بەرمەيدى
«سوناۋ جاقتان قاتىناپ، ەكى ەلدىڭ ورتاسىندا جۇمىس جاساپ ءجۇرسىز بە؟ » دەگەن سۇراعىما كۇلە جاۋاپ بەردى. «ارينە، ءبىز ەركەكپىز عوي. قالاي بولعان كۇننىڭ وزىندە وتباسىن اسىراۋ كەرەكپىز» دەيدى. «سوندا ەلدەرىڭىزدە جۇمىس جوق پا؟ » دەسەم، «ءيا» دەيدى. «ءبىراق، ءسىز ەگەر شەشەنستاندا ءبىر اي قوناقتايتىن بولساڭىز، بىردە- ءبىر بۇرىشتا بوق ساسىپ جاتقان القاشتى كورمەيسىز. ويتكەنى، ءبىزدىڭ ەلدىڭ ازاماتتارى ۇلتتىق تاربيەنى بويىنا قاتتى سىڭىرگەن، ءبىزدىڭ ۇلتىمىز ەر ازاماتقا وتباسىن اسىراۋدى مىندەت ەتىپ قويعان» دەدى. جانە ءبىر قىزىعى، ول ەلدە بالالار ءۇيى، قارتتار ءۇيى دەگەن مۇلدەم جوق ەكەن. ەگەر ميليتسيا ءبىر ايەلدىڭ جەڭىل جۇرىسكە تۇسكەنىن بىلسە، ونى الگى ايەلدىڭ اعاسىنا ءيا ىنىسىنە ايتادى، باۋىرلارى ايەلدىڭ ءتيىستى جازاسىن بەرەدى. ەگەر بىرەۋدىڭ بالاسى ۇلكەنگە قارسى كەلىپ، داۋىس كوتەرگەن بولسا، ول حابار الگى جىگىتتىڭ اتا- اناسىنا، تۋعاندارىنا جەتىپ، جىگىت مىندەتتى تۇردە جازالانادى. تۇسىك جاساتۋعا زاڭمەن تىيىم سالىنعان. قازاقتار جەتىمىن جىلاتپاعان حالىق ەدى، ءبىراق ءقازىر قوعامدى ناشاقورلىق، زيناقورلىق، جەزوكشەلىك، يسلامنىڭ اتىن جامىلعان سەكتالارعا ەرۋشىلىك سىزدەردى ازدىرىپ بارادى» دەيدى الگى شەشەن.
شەشەندەر باسقا ۇلتقا قىز بەرمەيدى ەكەن. ال ەگەر ىلۋدە بىرەۋ وزگە ۇلت وكىلىنە كۇيەۋگە شىعىپ جاتسا، وندا ول قىزبەن اتا- اناسى دا، تۋعاندارى دا بايلانىسىن ءبىرجولا ۇزەدى ەكەن. «نەگە؟ » دەگەن سۇراعىما، ويتكەنى ولار وزگە ۇلتتىڭ بالاسىن تۋادى. ءبىز شەشەن جىگىتتەر قازاقتان دا، ورىستان دا قىز الا الامىز. ويتكەنى، ول قىز ءبارىبىر شەشەننىڭ بالاسىن تۋادى. ال سىزدەر كەرىسىنشە «مەنىڭ قىزىم لوندوندا، بەلگيادا دەپ ماقتان تۇتاسىزدار» دەيدى. ايتقاندارى راس! ەشتەڭە دەي المادىم. بىلاي قاراعاندا قازاقتىڭ ۇلتتىق تاربيەسى شەشەندەردىكىنەن اسىپ تۇسپەسە، كەم تۇسپەيدى. بىزگە ۇلتتىق تاربيەنى، ۇلتتىق ۇستانىمداردى جاڭعىرتۋعا نە كەدەرگى بولىپ جاتىر ەكەن؟ !
جاناربەك ماعزۇمنىڭ پاراقشاسىنان الىندى
