قازاقستانداعى ەڭ ۇزدىك اۋرۋحانالار انىقتالدى

None
None
استانا. قازاقپارات - دەنساۋلىق ساقتاۋدى دامىتۋ رەسپۋبليكالىق ورتالىعى 2014-جىلدىڭ قورىتىندىسى بويىنشا ستاتسيونارلاردىڭ رەيتينگىن جاسادى، - دەپ حابارلايدى tengrinews.kz ءتىلشىسى ورتالىقتىڭ باسپا ءسوز قىزمەتىنە سىلتەمە جاساپ.

ساراپشىلار ەلىمىزدەگى بارلىعى 94 كوپبەيىندى ستاتسيونارعا باعا بەرگەن، ونىڭ 15 ءى - وبلىستىق، 49 ى - قالالىق، 15 ءى- وڭىرلەردەگى مامانداندىرىلعان بالالار اۋرۋحاناسى جانە تاعى 15 ءى - قالالارداعى بالالار ستاتسيونارى.

مەديتسينا ۇيىمدارى ءولىم-ءجىتىم كورسەتكىشى، مەديتسينالىق كومەك ساپاسى، پاتسيەنتتەردىڭ كورسەتىلەتىن قىزمەتتەرگە قاناعاتتانۋى سياقتى بەلگىلەنگەن ولشەمدەر بويىنشا باعالاندى. باعالاۋدىڭ ناتيجەسى بويىنشا ەرەسەكتەرگە ارنالعان وبلىستىق كوپبەيىندى ستاتسيونارلار اراسىندا ءبىرىنشى ورىنعا  قىزىلورداداعى وبلىستىق مەديتسينا ورتالىعى، ەكىنشى ورىنعا قوستاناي وبلىستىق اۋرۋحاناسى جانە ءۇشىنشى ورىنعا اتىراۋداعى وبلىستىق ستاتسيونار يە بولدى. ەڭ سوڭعى ورىندا - جامبىل وبلىستىق اۋرۋحاناسى.

ەرەسەكتەرگە ارنالعان قالالىق كوپبەيىندى ستاتسيونارلار رەيتينگىندە العاشقى ورىندى استاناداعى 1№ قالالىق اۋرۋحانا يەلەندى، ەكىنشى ورىندا - قوستاناي قالالىق اۋرۋحاناسى، ءۇشىنشى ورىندا - رۋدنىي قالالىق اۋرۋحاناسى. «بۇل ءتىزىمنىڭ ەڭ سوڭىندا الماتى وبلىسى تەكەلى قالاسىنداعى ستاتسيونار تۇر»، - دەلىنگەن ورتالىقتىڭ حابارلاماسىندا.

بالالارعا ارنالعان وبلىستىق كوپبەيىندى ستاتسيونارلار رەيتينگىندە ماڭعىستاۋ وبلىستىق بالالار اۋرۋحاناسى كوش باستادى. ەكىنشى ورىن باتىس قازاقستان وبلىسىنىڭ كوپبەيىندى بالالار اۋرۋحاناسىنا، ءۇشىنشى ورىن قاراعاندى وبلىسىنىڭ بالالار اۋرۋحاناسىنا ءتيدى. سوڭعى ورىندا - الماتى وڭىرلىك كلينيكالىق بالالار اۋرۋحاناسى.

تەمىرتاۋ بالالار اۋرۋحاناسى بالالارعا ارنالعان ەڭ ۇزدىك قالالىق كوپبەيىندى ستاتسيونار اتاندى. الماتىداعى 2№ بالالار اۋرۋحاناسى مەن شىمكەنتتەگى 1№ بالالار اۋرۋحاناسى ەكىنشى جانە ءۇشىنشى ورىنداردى يەلەندى. قاراعاندىداعى بالالار اۋرۋحاناسى سوڭعى ورىننان كورىندى.

«دەنساۋلىق ساقتاۋدى دامىتۋ رەسپۋبليكالىق ورتالىعى مەديتسينا ۇيىمدارىن باعالاۋدى جىل سايىن جۇرگىزىپ وتىرادى. مۇنداي باعالاۋدىڭ نەگىزگى ماقساتى: رەسپۋبليكا حالقىنا مەديتسينا ۇيىمدارىن ەركىن تاڭداۋ مۇمكىندىگىن ۇسىنۋ جانە جەرگىلىكتى جەرلەردەگى مەنەدجمەنتتىڭ جاي-كۇيىن انىقتاۋ»، - دەلىنگەن ورتالىقتىڭ باسپا ءسوز پاراعىندا.

سوڭعى جاڭالىقتار