بۇقارا حالىقتىڭ شاعىمدانۋ جۇيەسىن نىعايتۋ كەرەك - ەلباسى
«بۇقارا حالىقتىڭ شاعىمدانۋ جۇيەسىن نىعايتۋ كەرەك. قىزمەتكەردىڭ ارەكەتتەرىنە شاعىمدانۋعا قاتىستى ازاماتتاردىڭ مۇمكىندىگى زاڭناما اياسىندا كەڭەيتىلۋى كەرەك. بۇدان بولەك، قوعامدا ءوزىن- ءوزى رەتتەۋدىڭ تەتىگىن كەڭىنەن ەنگىزۋدى قامتاماسىز ەتۋ قاجەت. سوندىقتان مەملەكەتتىك ورگانداردىڭ جاۋاپكەرشىلىك اۋماعىن بىرتىندەپ، ساتىلاپ قىسقارتىپ، وعان قاتىستى الەۋمەتتىك مانگە يە قىزمەتتەردىڭ وكىلەتتىگىن ازاماتتىق قوعام ينستيتۋتتارىنا بەرۋگە ءتيىسپىز» ، - دەدى ن. نازاربايەۆ.
ەلباسىنىڭ سوزىنە قاراعاندا، ازاماتتىق قوعامدى دامىتا ءتۇسۋدىڭ وڭ ناتيجەلەرىنە قول جەتكىزىلگەن سوڭ بارىپ، جەرگىلىكتى اتقارۋشى بيلىكتىڭ سايلانبالىلىعى تۋرالى ماسەلەنى شەشۋگە بولادى.
«وسىنداي شارالاردىڭ ءبارىن ساتىلاپ جۇزەگە اسىرعاننان سوڭ عانا پرەزيدەنتتەن پارلامەنتكە جانە ۇكىمەتكە قاراي بيلىكتىك وكىلەتتىكتەردى قايتا ءبولۋدى قاراستىراتىن كونستيتۋتسيالىق رەفورمالار جۇزەگە اسۋى شارت. بۇل رەتتە ءبىزدىڭ بۇرىننان قالىپتاسقان ءداستۇرىمىز دە ەسەپكە الىنۋى ءتيىس» ، - دەدى ن. نازاربايەۆ.
بۇل رەتتە ەلباسى اتالعان بەس باعىتتاعى رەفورمالار جيناقتالا كەلە، قازاقستاننىڭ مەملەكەتتىگىن نىعايتىپ، الەمنىڭ دامىعان وتىز ەلىنە كىرۋ ماقساتىنا سەپتىگىن تيگىزەتىنىن اتاپ ءوتتى.
اۆتور: قانات مامەتقازى ۇلى
