ەلباسى جاريا اقپاراتتارعا قولجەتىمدىلىكتى قامتۋ تۋرالى زاڭ قابىلداۋدى تاپسىردى
«مەملەكەتتىڭ مەملەكەتتىلىكتى ساقتاۋداعى ەڭ باستى ماقساتى - جىل سايىن ازاماتتارىنىڭ ءومىر ءسۇرۋ دەڭگەيىن جاقسارتۋ. بۇل تابىستى مەملەكەتتىڭ جولى. بۇل ءۇشىن بىرىنشىدەن، ليبەرالداندىرۋدى جالعاستىرۋ كەرەك. وسى باعىتتا مەمەلكەتتىك ورگاندار باسشىلارىنىڭ ەسەپتىلىگىن كەڭەيتۋ قاجەت. بالكىم، ينتەرنەت ارقىلى اكىمدەر ەكى جىلدا ءبىر مارتە ءوز جۇمىسىنا ەسەپ بەرۋلەرى دە كەرەك بولار. ەكىنشىدەن، قابىلدانعان شەشىمنىڭ اشىقتىعىن قامتاماسىز ەتۋ. بۇندا بۇقپالاپ، جاسىراتىن ەشتەڭە جوق. «ەلەكتروندىق ۇكىمەت» ارقىلى ازاماتتار بارلىق دەڭگەيدەگى مەملەكەتتىك ورگانداردىڭ شەشىم قابىلداۋلارىنا ىقپال ەتۋلەرى كەرەك. ال بۇل ءۇشىن «جاريا اقپاراتتارعا قولجەتىمدىلىك تۋرالى» زاڭ جوباسىن ازىرلەپ، قابىلداۋ كەرەك»، - دەدى ن. نازاربايەۆ.
بۇدان بولەك، ەلباسى مەمەلكەتتىك ورگاندار مەن اكىمدەر جانىنداعى قوعامدىق كەڭەستەردىڭ ءرولىن كۇشەيتۋدى دە تاپسىردى.
«ۇشىنشىدەن، ازاماتتىق بيۋجەتتەندىرۋدى دە ەنگىزۋ قاجەت. بۇندا اڭگىمە نەگىزىنەن ازاماتتىق قوعام وكىلدەرىن بيۋجەتتىك قاراجاتتاردى بولۋگە قاتىستىرۋ تۇرعىسىندا بولىپ وتىر. اسىرەسە، وڭىرلەردە وسىنى ەنگىزگەن ءلازىم»، - دەدى مەملەكەت باسشىسى.
اۆتور: قانات مامەتقازى ۇلى
