مەن ەكى تىلدە ەركىن سويلەيتىن ەل باسشىلارىنىڭ بىرەگەيىمىن - ن. نازاربايەۆ

استانا. قازاقپارات - مەن ەكى تىلدە ەركىن سويلەيتىن ەل باسشىلارىنىڭ بىرەگەيىمىن.

بۇگىن استاناداعى تاۋەلسىزدىك سارايىندا «نۇر وتان» پارتياسىنىڭ كەزەكتى XVI سەزى بارىسىندا ەلباسى نۇرسۇلتان نازاربايەۆ وسىلاي مالىمدەدى.

«مەن مۇندا وتىرسام دا ءبارىن سەزىپ، ءبىلىپ وتىرامىن. ايتاتىن اعايىندار دا بارشىلىق: «نەگە قازاقشا سويلەمەيسىڭ، قازاقتى جاقسى كورسەڭ نەگە ورىسشا سايراپ وتىرسىڭ» دەپ. مەن ەكى تىلدە سويلەيتىن ەل باسشىلارىنىڭ بىرەگەيىمىن. تۇركيادا تۇرىك تىلىندە عانا سويلەيدى، سەبەبى 100 پايىز - تۇرىكتەر. وزبەكستاندا 98 پايىزى وزبەكتەر، قىرعىزدا دا، رەسەيدە دە سولاي. مەنىڭ حالقىم - كوپۇلتتى، مىنا بۇگىنگى دەلەگاتتاردىڭ ىشىندە 25 ۇلتتىڭ وكىلى وتىر. سولارعا نە بولساڭ سول بول دەپ قازاقشا سويلەي بەرسەك قالاي بولادى؟»، - دەدى ەلباسى.

بۇل رەتتە پرەزيدەنت قازاق حالقى ەشكىمنىڭ كوڭىلىنە قاياۋ سالماي، تىك باسىپ العا جىلجۋى كەرەكتىگىن اتاپ ءوتتى. «قازاقتىڭ بولاشاعى سوندا عانا نۇرلى بولا تۇسەدى»، - دەدى ن. نازاربايەۆ.

اۆتور: قانات مامەتقازى ۇلى