ق ر پرەزيدەنتتىگىنە كانديدات ۇسىنۋ ماسەلەسى «نۇر وتان» سيەزىندە قارالادى

None
None
استانا. قازاقپارات - استاناداعى تاۋەلسىزدىك سارايىندا مەملەكەت باسشىسى، پارتيا كوشباسشىسى نۇرسۇلتان نازاربايەۆتىڭ ءتوراعالىق ەتۋىمەن «نۇر وتان» پارتياسىنىڭ كەزەكتى XVI سيەزى اشىلدى، دەپ حابارلايدى قازاقپارات ءتىلشىسى.

پارتيانىڭ كەزەكتى سەزىنىڭ جۇمىسىنا 2000 عا جۋىق ادام قاتىسۋدا. ولاردىڭ ىشىندە - وڭىرلىك كونفەرەنتسيادا سايلانعان 1200 دەن استام دەلەگات، قازاقستان رەسپۋبليكاسى پارلامەنتىنىڭ دەپۋتاتتارى، مەملەكەتتىك باسقارۋ ورگاندارىنىڭ، ۇلتتىق حولدينگتەر مەن كومپانيالاردىڭ باسشىلارى، عىلىمي جانە شىعارماشىلىق زيالى قاۋىم وكىلدەرى، ۇكىمەتتىك ەمەس ۇيىمداردىڭ جەتەكشىلەرى، ديپلوماتيالىق كورپۋس، حالىقارالىق ۇيىمدار مەن بۇقارالىق اقپارات قۇرالدارىنىڭ وكىلدەرى بار. تۇڭعىش رەت سيەزگە 20 پايىزعا جۋىق دەلەگات - باستاۋىش پارتيالىق ۇيىمداردان كەلىپ وتىر.

سيەزدە «نۇر وتان» پارتياسىنىڭ اتىنان ق ر پرەزيدەنتتىگىنە ۇمىتكەردى ۇسىناتىن بولادى. سونىمەن قاتار پارتيانىڭ ساياسي كەڭەسى مەن ورتالىق باقىلاۋ- ريەۆيزيالىق كوميسسياسىنىڭ ەسەپتىك مەرزىمدەگى جۇمىسىنىڭ قورىتىندىسى شىعارىلىپ، پارتيا ساياسي كەڭەسى مەن ورتالىق باقىلاۋ- ريەۆيزيالىق كوميسسياسى مۇشەلەرى سايلانادى.

 سيەزد بارىسىندا ق ر مەملەكەت جانە قوعام قايراتكەرى كەنجەعالي ساعاديەۆ، قازاقستان حالقى اسسامبلەياسى ءتوراعاسىنىڭ ورىنباسارى، پارتيانىڭ ساياسي بيۋروسىنىڭ مۇشەسى اناتولي باشماكوۆ، قازاقستان جازۋشىلار وداعىنىڭ باتىس قازاقستان وبلىستىق بولىمشەسىنىڭ ءتورايىمى اقۇشتاپ باقتىگەرەيەۆا،  قىزىلوردا وبلىسىنىڭ اكىمى قىرىمبەك كوشەربايەۆ، «ۇلتتىق عىلىمي كارديوحيرۋرگيالىق ورتالىعى» ا ق باسقارما ءتوراعاسى يۋريي پيا، ايتىسكەر اقىن بەكارىس شويبەكوۆ ءسوز سويلەيدى دەپ كۇتىلۋدە.

اۆتور: جاسۇلان جولدىبايەۆ

سوڭعى جاڭالىقتار