قىرعىزستانداعى قىرعىز ءتىلى قازاقستانداعى قازاق ءتىلى سياقتى قاجەتتى بولۋى ءتيىس - ا. جەەنبەكوۆ

None
None
بىشكەك. قازاقپارات - بىشكەكتە «زاڭ شىعارۋداعى مەملەكەتتىك ءتىل ماسەلەسى» اتتى رەسپۋبليكالىق عىلىمي- پراكتيكالىق كونفەرەنسيا ءوتتى.

ەكى كۇندىك فورۋم جوگوركۋ كەنەشتىڭ باستاماسىمەن ق ر ۇلتتىق عىلىم اكادەمياسى ش. ايتماتوۆ اتىنداعى ءتىل جانە ادەبيەت ينستيتۋتىنىڭ ۇيىمداستىرۋىمەن ءوتتى.

جيىندا ءتىل تۋرالى زاڭ، قىرعىز ءتىلىنىڭ ورفوگرافياسى، تەرمينولوگيا، اۋدارما سالاسىنداعى كۇردەلى تاقىرىپتار تالقىلاندى.

«قىرعىز ءتىلىنىڭ قاعاز جۇزىندە عانا ەمەس، كۇندەلىكتى قولدانىستا بولۋى ءۇشىن ونىڭ مارتەبەسى تۋرالى كونستيتۋتسيادا جازىپ قانا قويۋ ازدىق ەتەدى. قىرعىز ءتىلى زاڭ شىعارۋ، رەسمي قۇجات اينالىمى، اقپارات تاراتۋ تىلىنە اينالعان جاعدايدا عانا مەملەكەتتىك مارتەبەگە يە بولادى»، - دەپ مالىمدەدى جوگوركۋ كەنەش سپيكەرى اسىلبەك جەەنبەكوۆ.

جيىندا جوگوركۋ كەنەش سپيكەرى قىرعىز ءتىلىن كۇندەلىكتى قولدانىسقا ەنگىزۋگە باعىتتالعان ءبىرقاتار شارالار اتقارىلىپ جاتقانىن ايتتىن. ناقتىراق ايتقاندا، 4  جىلدان بەرى پارلامەنت سەسسياسى مەملەكەتتىك تىلدە ءوتىپ كەلەدى، قۇجات اينالىمى، مەملەكەتتىك ورگاندار اراسىندا ءوزارا قارىم- قاتىناس ءتىلى دە قىرعىز ءتىلى بولۋىنا نازار اۋدارىلعان.

«باستىسى، ەل حالقى قىرعىز تىلىندە ويلاپ، سويلەپ، جازا باستاسا، مەملەكەتتىك ءتىل دەڭگەيى كوتەرىلىپ، ءوز قىزمەتىن ورىنداي باستايدى»، دەدى اسىلبەك جەەنبەكوۆ.

سونداي-اق سپيكەر قىرعىز ءتىلىن ءبىلۋ رەسەيدە ورىس ءتىلى، قازاقستاندا قازاق ءتىلى، ۇلى بريتانيادا اعىلشىن ءتىلى سياقتى قاجەتتى بولۋى ءتيىس دەدى.

سوڭعى جاڭالىقتار