قازاقستان بالۋانى مينسكىدە وتكەن حالىقارالىق تۋرنيردىڭ كۇمىس جۇلدەگەرى اتاندى

None
None
ورال. قازاقپارات - مينسك قالاسىندا ءۇش مارتە وليمپيادا چەمپيونى الەكساندر مەدۆەدتىڭ جۇلدەسى ءۇشىن ەركىن كۇرەستەن حالىقارالىق گران- پري تۋرنيرى مارەگە جەتتى.

 وسىمەن 45- رەت وتكىزىلىپ وتىرعان مەرەيتويلىق جارىسقا يراندىق سپورتشىلاردان باسقا الەمنىڭ ەڭ مىقتى دەگەن بالۋاندارى قاتىستى.

ولاردىڭ اراسىندا وليمپيادا، الەم چەمپيوندارى مەن جۇلدەگەرلەرى بولدى. ايتالىق، ايەلدەر كۇرەسىنەن 63 كەلى سالماقتا باتىسقازاقستاندىق ەكاتەرينا لاريونوۆا فينالدا بەيجىڭ وليمپياداسىنىڭ قولا جۇلدەگەرى، كولۋمبيالىق جاكلين رەنتەريامەن كىلەمگە شىقتى.

ءسويتىپ، وسى بەلدەسۋدە عانا ەسە جىبەرگەن وتكەن جىلعى الەم چەمپيوناتىنىڭ قولا جۇلدەگەرى ە. لاريونوۆا اتالمىش جارىستا كۇمىستەن القا تاقتى.

سونداي-اق تاعى ءبىر قازاقستاندىق ايىم ءابىلدينا 58 كەلىدە ۆەنگريالىق مارياننا ساستيننەن ۇتىلىپ، كۇمىس جۇلدەگە قول جەتكىزدى. وعان قوسا داۋلەت نيازبەكوۆ (61 ك گ)، ساياتبەك وقاسوۆ (65 ك گ)، ەلەونورا ءابۋتاليپوۆا (48 ك گ)، ايجان يسماعۇلوۆا (55 ك گ) قولا جۇلدەگەر اتاندى.

اۆتور: ەلجان ەرالى

سوڭعى جاڭالىقتار