ەسكى شاحتادان التىن ىزدەمەك بولعان بەس ادامنىڭ ەكەۋى اجال قۇشتى - اقمولا وبلىسى

None
None
كوكشەتاۋ. قازاقپارات - اقمولا وبلىسىندا دەمالىس كۇندەرى جۇمىس ىستەمەيتىن ەسكى شاحتادان التىن ىزدەمەك بولعان بەس ادامنىڭ ەكەۋى اجال قۇشتى.

بۇل تۋرالى ايماقتىق ت ج د باسپا ءسوز قىزمەتىنەن حابارلادى.

ت ج د مالىمەتى بويىنشا كەلەڭسىز جاعداي وتكەن دەمالىس كۇندەرى ورىن العان. الدىمەن ناۋرىزدىڭ 8 ى كۇنى تاڭعى ساعات 07:30 شاماسىندا ستەپنوگور قالاسىنا قاراستى بەستوبە كەنتىنىڭ ماڭىنداعى جۇمىس ىستەمەيتىن ەسكى شاحتالاردىڭ بىرىندە ورىن العان. №50 ەسكى شاحتانىڭ ىشىنە 30 مەتر تەرەڭدىككە التىن ىزدەپ كىرگەن ءۇش ەر ادامنىڭ ۇستىنە كەن ءۇيىندىسى قۇلاعان. ناتيجەسىندە 1990 - جىلعى جىگىت سول جەردە مەرت بولىپ، قالعان ەكەۋى قۇتقارىلدى.

ال كەلەسى كۇنى، ياعني، ناۋرىزدىڭ 9 ىندا ساعات 15:30 شاماسىندا وسىنداي وقيعا تاعى قايتالانادى. بۇل جولى ەسكى شاحتانىڭ ىشىنە تۇسكەن 1986 - جىلعى د. گۋلانوۆ پەن 1988 -جىلعى م. كسيۋكتىڭ جولى بولمايدى. بۇل ەكەۋىنىڭ دە ۇستىنە كەن ءۇيىندىسى قۇلاپ، سوڭعىسى م. كسيۋك وقيعا ورنىندا كوز جۇمادى. ال د. گۋلانوۆ جەدەل جاردەم قىزمەتىمەن قالالىق اۋرۋحاناعا جاتقىزىلادى.

قازىرگى كەزدە اتالعان وقيعا بايلانىستى قىلمىستىق ءىس قوزعالىپ، تەكسەرىس جۇرگىزىلۋدە.

اۆتور: اسلان وسپانوۆ

سوڭعى جاڭالىقتار