يليننىڭ باستى قارسىلاستارىنىڭ ءبىرى سپورتقا قايتا ورالدى

None
None
استانا. قازاقپارات - 2008-جىلى بەيجىڭدە وتكەن وليمپيادا ويىندارىنىڭ كۇمىس جۇلدەگەرى، الەم چەمپيوناتىنىڭ ەكى دۇركىن كۇمىس جۇلدەگەرى رەسەيلىك زىلتەمىرشى دميتري كلوكوۆ سپورتقا قايتا ورالدى. بۇل تۋرالى رەسەيلىك سپورت باسىلىمدارىنا رەسەي اۋىر اتلەتيكا فەدەراتسياسىنىڭ پرەزيدەنتى سەرگەي سىرتسوۆ ايتتى، دەپ جازادى «الاش ايناسى» ينتەرنەت-پورتالى.

105 كەلى سالماقتا ونەر كورسەتەتىن كلوكوۆ 2012-جىلى رەسەي قۇراماسىمەن بىرگە لوندون وليمپياداسىنا بارعان بولاتىن. ءبىراق، جاراقاتىنا بايلانىستى زىلتەمىرشى «تۇماندى البيوندا» وتكەن وليمپيادا ويىندارىنا قاتىسا المادى.

سودان كەيىن ول ۇلكەن سپورتتان كەتىپ ەل-ەلدى ارالاپ زىلتەمىرشىلەر ءۇشىن ارنايى لەكسيا وقىپ جۇرگەن.

مىنە، ارادا ءۇش جىل وتكەننەن سوڭ دميتري ۇلكەن سپورتقا قايتا ورالىپتى. بۇگىندە ول جاتتىعۋ جۇمىستارىنا كىرىسىپ تە كەتكەن. الداعى ۋاقىتتا رەسەي بىرىنشىلىگىنە قاتىسادى. ەگەر، رەسەي چەمپيوناتىندا توپ جارىپ جاتسا، وليمپيادا ويىندارىنا جولداما بەرەتىن حيۋستونداعى الەم بىرىنشىلىگىنە قاتىسادى ەكەن.

بۇل اقپاراتتى ءبىز جايدان-جاي ايتىپ وتىرعان جوقپىز. ەگەر، كلوكوۆ وليمپيادا ويىندارىنا جولداما الاتىن بولسا، ءبىزدىڭ يليا يليننىڭ باستى قارسىلاستارىنىڭ ءبىرى بولاتىنى انىق.

ورايى تۇسكەندە ايتا كەتەيىك، 105 كەلىدە ونەر كورسەتەتىن الەمدەگى تاعى ءبىر مىقتى دەگەن زىلتەمىرشى رەسەيدىڭ نامىسىن قورعايتىن بولدى. ول - ارتەم يۆانوۆ. بۇعان دەيىن حالىقارالىق باسەكەلەردە ۋكراينا نامىسىن قورعاعان زىلتەمىرشى رەسەي ازاماتتىعىن دا الىپ قويعان ەكەن.

ودان بولەك، 105 كەلى سالماقتا رەسەيدە داۆيد بەدجانياننىڭ بار ەكەنىن جاقسى بىلەمىز. ءبىراق، وليمپيادا ويىندارىنا ءبىر ەلدەن ءبىر سالماقتان تەك ەكى عانا سپورتشى باراتىنىن ەسكەرسەك، بۇل ءۇش سپورتشىنىڭ اراسىندا ريوعا تەك ەكەۋى عانا بارا الادى.

سونداي-اق 105 كەلىدە وزبەك سپورتشىسى رۋسلان نۋرۋددينوۆتى دە ۇمىتپاعانىمىز ءجون بولار. سوندىقتان دا ريو-دە-جانەيرودا وتەتىن وليمپيادا ويىندارىندا اۋىر اتلەتتەر اراسىنداعى 105 كەلى سالماقتاعى باسەكە شەكتەن تىس قىزىق بولايىن دەپ تۇر.

اۆتور: ۋاليحان قوسانباي

سوڭعى جاڭالىقتار