كونستانتين لۋتسا ابايدىڭ ءانىن ايتىپ باس جۇلدە يەلەندى
بۇل تۋرالى وبلىستىق اسسامبلەيا حاتشىلىعىنىڭ باسپا ءسوز قىزمەتى حابارلادى.
27 - اقپان كۇنى «مەنىڭ قازاقستانىم» اتتى رەسپۋبليكالىق مۋزىكالىق فەستيۆال ەكى اتالىم بويىنشا ءوتتى: قازاق حالقىنىڭ ۇلتتىق اسپاپتارىندا كۇي تارتۋ جانە قازاقتىڭ حالىق اندەرى مەن قازاق كومپوزيتورلارىنىڭ اندەرىن ورىنداۋ.
ءبىرىنشى اتالىم بويىنشا قازانعاپ اتىنداعى قىزىلوردا مۋزىكالىق كوللەدجىنىڭ ستۋدەنتى كريستينا تيگاي قاتىسىپ، نۇرعيسا تىلەنديەۆتىڭ «اققۋ» كۇيىن ورىندادى. ءان اتالىمى بويىنشا قاتىسقان «بولاشاق» ۋنيۆەرسيتەتىنىڭ 2-كۋرس ستۋدەنتى كونستانتين لۋتسا ابايدىڭ «ايتتىم سالەم قالامقاس» ءانىن تەبىرەنە ورىنداپ، جۇرتشىلىقتىڭ كوڭىلىنەن شىقتى. اۋەندى جۇرەگىمەن ايتىپ، كوپشىلىككە جەتكىزە بىلگەن ك. لۋتسا فەستيۆالدىڭ باس جۇلدەسىمەن ماراپاتتالىپ، 250 مىڭ تەڭگە سىيلىققا يە بولدى.
28 - اقپان كۇنى رەسپۋبليكا كولەمىندە ەكى جىلدان بەرى جۇرگىزىلىپ كەلە جاتقان «بەيبىتشىلىك پەن كەلىسىمنىڭ جول كارتاسى» مەگا- جوباسىنىڭ قورىتىندىسى شىعارىلدى. بارلىق وبلىستار قازاقستان حالقى اسسامبلەياسى حاتشىلىعىنىڭ ديپلومىمەن ماراپاتتالدى.
وبلىستان 15 ادامنان تۇراتىن ارنايى دەلەگاتسيا جاساقتالىپ باردى. دەلەگاتسيا قۇرامىندا وبلىستىق اسسامبلەيانىڭ، ەتنومادەني بىرلەستىكتەردىڭ، قوعامدىق كەلىسىم كەڭەستەرىنىڭ، انالار كەڭەسىنىڭ بەلسەندى مۇشەلەرى مەن ەتنومادەني بىرلەستىكتەرگە ۇدايى قولداۋ كورسەتىپ كەلە جاتقان دەمەۋشىلەر بولدى.
دەلەگاتسيا ق ح ا حاتشىلىعىنىڭ باسشىلارىمەن كەزدەسىپ، ءتۇرلى شارالارعا قاتىسىپ، استانا قالاسىن 2 كۇن ارالاپ، ەلگە ورالدى.
بۇل شارالارعا قىزىلوردا وبلىسىنىڭ دەلەگاتسياسى عانا بارعانىن اتاپ ءوتۋ كەرەك، - دەلىنگەن حابارلامادا.
اۆتور: ەلۋباي اۋەزوۆ
