قازاقتىڭ حالىق رەتىندە ساياسي ساحناعا شىعۋى ەرتە زاماننان باستاۋ الادى - عالىمتاي تولەپبەرگەنوۆ
وبلىستىق ىشكى ساياسات باسقارماسىنىڭ مۇرىندىق بولۋىمەن وتكەن شارا بارىسىندا الەۋمەتتىك عىلىمدار ماگيسترى، شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ اعا وقىتۋشىسى، وبلىستىق كونفەسسياارالىق قاتىناستاردى دامىتۋ جانە تالداۋ ورتالىعىنىڭ مامانى عالىمتاي تولەپبەرگەنوۆتىڭ قازاق حاندىعىنىڭ قۇرىلۋى جونىندە ءدارىسى تىڭدالدى.
ونىڭ ايتۋىنشا، قازاق رۋلارىنىڭ ءبىرىڭعاي قازاق وداعىنا بىرىگۋى، حالىق رەتىندە ساياسي ساحناعا شىعۋى ەرتە زاماننان باستاۋ الادى.
«قازاق حاندىعىنىڭ 550 جىلدىعىن اتاپ ءوتۋ بۇل ءبىزدىڭ مەملەكەتتىگىمىزدىڭ، ەلدىگىمىزدىڭ ءتۇپ- تامىرى تەرەڭدە جاتقانىن ءارى جارتى مىڭ جىل بۇرىن قالىپتاسا باستاعانىن بىلدىرەدى. بۇگىنگى تاۋەلسىز قازاقستان - ءبىر جارىم عاسىر بويىنا ءۇزىلىپ قالعان ەلدىگىمىزدىڭ زاڭدى، تاريحي جالعاسى.
سوندىقتان، وسىنداي باقىتتى ساقتاپ، قورعاۋ كەز- كەلگەن قازاق بالاسىنىڭ، ءار قازاقستاندىقتىڭ قاسيەتتى مىندەتى. وسىنداي دارىستەر ارقىلى تىڭدارماندارعا جالپى الەمدىك جۇيەدە قازاق ەلىنىڭ شىعۋ تەگى جونىندە ماعلۇمات الۋعا كومەكتەسەدى»، دەدى ءوز سوزىندە عالىمتاي تولەپبەرگەنوۆ.
