ق ح ا باستاماسى ىشكى جانە سىرتقى فاكتورلاردى ەسكەرەدى - ق ح ر مەملەكەتتىك كەڭەسى جانىنداعى «اقىل-وي ورتالىعىنىڭ» ساراپشىسى
قازاقستاندىق تىلشىلەرگە بەرگەن سۇحباتىندا ق ح ر مەملەكەتتىك كەڭەسى جانىنداعى دامۋ زەرتتەۋ ورتالىعى جانىنداعى ەۋروپا جانە ازيا الەۋمەتتىك دامۋ ينستيتۋتى ديرەكتورىنىڭ ورىنباسارى، پروفەسسور جاۋ چاڭجيڭ (Zhao Changqing) وسىنداي پىكىرىن ءبىلدىردى.
«بۇل باستاما ويلاستىرىلعان قادام - مۇندا ىشكى جانە سىرتقى جاعدايلارداعى وزگەرىستەر تالاپتارى ەسكەرىلگەن. ىشكى ساياسات كوزقاراسىنان الىپ قاراعاندا، ءسىزدىڭ ەلىڭىز «قازاقستان-2050» ستراتەگياسى، سونداي-اق «نۇرلى جول - بولاشاققا باستار جول» جاڭا ەكونوميكالىق ساياساتى اۋقىمىندا زور مىندەتتەردى العا قويدى. ولاردىڭ باستى شارتى - تۇراقتىلىق»، - دەدى ول.
سىرتقى ساياسات جاعىنان پرەزيدەنتتىك سايلاۋ وتكىزۋ قاجەتتىگى فاكتورلارىنىڭ ءبىرى رەتىندە ساراپشى الەمدىك ساياسات پەن ەكونوميكاداعى داعدارىستىق قۇبىلىستاردى اتادى.
«بۇل ق ر- ىنا ىقپال ەتەرى ءسوزسىز، داعدارىسقا قارسى شارالار قابىلداۋدى تالاپ ەتەدى، ال بۇل ءۇشىن ەلدە ساياسي تۇراقتىلىق بولۋى قاجەت»، - دەپ اتاپ كورسەتتى ول.
جاۋ چاڭجيڭنىڭ ايتۋىنشا، قازاقستان تاۋەلسىزدىگى 23 جىل ىشىندە پرەزيدەنت نۇرسۇلتان نازاربايەۆتىڭ باسشىلىعىمەن وتە تەز دامىدى، الەمدىك ارەناداعى ىقپالدى ويىنشىعا اينالدى.
«قازاقستان ورتالىق ازياداعى كۇشتى مەملەكەت، ول حالىقارالىق پروبلەمالاردى شەشۋدە دە وڭ ىقپال ەتۋدە. مىسالعا، پرەزيدەنت ن. نازاربايەۆتىڭ ۋكراين داعدارىسىن رەتتەۋدەگى ءرولىن فرانسيا پرەزيدەنتى فرانسۋا وللاند، گەرمانيا كانتسلەرى انگەلا مەركەل جانە باسقا دا ساياساتكەرلەر مويىندايدى. بۇل قازاقستاننىڭ ءوز ەكونوميكالىق ءوسىمى مەن تۇراقتىلىعىن عانا قولداپ قويماي، ايماقتىق قاۋىپسىزدىكتى قامتاماسىز ەتۋگە دە ۇلكەن ۇلەس قوسىپ وتىرعانىن كورسەتەدى»، - دەپ اتاپ كورسەتتى ول.
«مەن ن. نازاربايەۆتىڭ باسشىلىعىمەن قازاقستان ءوزىنىڭ قارىشتى دامۋىن جالعاستىراتىنىنا ءۇمىت ارتامىن جانە سەنەمىن»، - دەپ ءتۇيدى جاۋ چاڭجيڭ.
ەسكە سالا كەتەتيىك، ق ح ر مەملەكەتتىك كەڭەسى جانىنداعى دامۋ زەرتتەۋ ورتالىعى قىتايدىڭ جەتەكشى «اقىل-وي ورتالىعى» (ۇزدىكتەر وندىعىندا قىتاي قوعامدىق عىلىمدار اكادەمياسىنان كەيىن 2- ورىن الادى)، ەلدە جانە شەتەلدەردە زور بەدەلگە يە.
