تالدىقورعان قۇتقارۋشىلارى قالا مەكتەپ وقۋشىلارى ءۇشىن جاتتىعۋلار وتكىزدى - فوتو
بۇل كۇنى جەر سىلكىنىسى سالدارىن جويۋ جونىندەگى تاكتيكالىق-ارنايى جاتتىعۋلار ۇيىمداستىرىلدى، وبلىس توتەنشە جاعدايلار دەپارتامەنتىنىڭ قۇتقارۋشى قۇرىلىمدارى، تەحنيكا مەن جابدىقتار كورسەتىلدى.
بارلىعى 14 بىرلىك تەحنيكا، 1 بىرلىك سۋعا ءجۇزۋ قۇرالدارى جانە جەكە قۇرامنىڭ 61 ادامى تارتىلدى.
جاتتىعۋدىڭ بارىسىن ستۋدەنتتەر، قالا كوللەدجدەرى مەن مەكتەپتەرىنىڭ وقۋشىلارى - بارلىعى ءبىر مىڭعا تارتا ادام باقىلادى.
جىل سايىن الەمنىڭ كوپتەگەن ەلدەرىندە 1931-جىلى قۇرىلعان حالىقارالىق ازاماتتىق قورعانىس ۇيىمىنىڭ شاقىرۋىمەن 1- ناۋرىزدا بۇكىل الەمدىك ازاماتتىق قورعانۋ كۇنى اتالىپ وتەدى. بۇگىندە ءوزىنىڭ قۇرامىنا ەۋروپانىڭ، ازيانىڭ جانە افريكانىڭ 70 تەن استام ەلىن بىرىكتىرىپ وتىرعان حالىقارالىق ازاماتتىق قورعانىس ۇيىمى حالىقارالىق دەڭگەيدە ازاماتتاردى قورعاۋ ماسەلەلەرىمەن ءتيىمدى اينالىساتىن جەتەكشى ۇيىمداردىڭ ءبىرى.
