شىمكەنتتە وتاندىق تاۋار وندىرۋشىلەردىڭ جارمەڭكەسى ءوتتى
بۇل تۋرالى وبلىس اكىمىنىڭ باسپا ءسوز قىزمەتى حابارلادى.
جارمەڭكە اياسىندا قالا تۇرعىندارىنا وبلىستىڭ 120 دان استام تاۋار وندىرۋشىلەرى ءوز ونىمدەرىن ارزانداتىلعان باعامەن ساۋدالادى. سونداي-اق، شىمكەنتتەگى «شاحان»، «يمران»، «فيركان»، «مەترو» سىندى ءىرى 15 ساۋدا ورىندارىندا اتالعان شارا ءوز جالعاسىن تابادى. اكسيا اياسىندا وتاندىق وندىرۋشىلەردىڭ ونىمدەرى ورنالاسقان ساۋدا سورەلەرىنە «قازاقستاندا جاسالعان» دەپ جازىلعان ءتۇرلى-ءتۇستى بەلگى-تاقتايشالار قويىلادى. بۇل قازاقستاندىق ءونىمدى ەرەكشەلەپ، ساتىپ الۋشىلار ءۇشىن تارتىمدىلىعىن ارتتىردى.
بۇگىندە شىمكەنتتەگى «فيركان»، «شاحان»، «مەترو» سىندى ءىرى سۋپەرماركەتتەر جەلىلەرىنىڭ سورەلەرىندە تۇرعان تۇتىنۋ تاۋارلارىنىڭ %30 ىن وتاندىق ونىمدەر قۇرايدى. 2015-جىلعى 11- اقپانداعى ۇكىمەتتىڭ كەڭەيتىلگەن وتىرىسىندا مەملەكەت باسشىسى ن. ءا. نازاربايەۆ وتاندىق وندىرۋشىلەردى قولداۋعا شاقىرعان بولاتىن. وندا ەلباسى «قازاقستاندا جاسالعان» جالپى ۇلتتىق اكسياسىن باستاۋدى ۇسىنعان. اكسيا بارىسىندا ساۋدا جەلىلەرىندە ساتىلاتىن قازاقستاندىق ونىمدەر كوزگە بىردەن تۇسەردەي ەرەكشە كورسەتىلىپ قويىلادى. وتاندىق وندىرۋشىلەردىڭ تاۋارىن ساتىپ العىسى كەلەتىن ازاماتتارعا بۇل وتە قولايلى. «بارلىق قازاقستاندىقتاردى، بۇگىنگىدەي قيىن جاعدايدا، ءبىزدىڭ، قازاقستاندىق تاۋارلاردى ساتىپ الۋعا شاقىرامىن. بۇل قازاقستان ەكونوميكاسىنا قوسقان ۇلەسىمىز دەپ بىلەيىك»، دەگەن بولاتىن.
