بۇگىن - بۇكىل الەمدىك ازاماتتىق قورعانىس كۇنى
بۇل كۇننىڭ تاريحى 1931-جىلى جەنيەۆا ايماعى قاۋىمداستىعى دەپ اتالاتىن، ياعني الەمنىڭ بارلىق ەلدەرىندە جەرگىلىكتى ايماق قاۋىپسىزدىگىن قۇرۋ تۋرالى حالىقارالىق كەلىسىمدەرگە قول قويۋمەن باستالدى.
جىل سايىن بۇكىل الەمدىك ازاماتتىق قورعانىس كۇنى ناقتى ۇرانمەن اتالىپ وتىلەدى. ونىڭ بيىلعى جىلعى تاڭدالعان تاقىرىبى: «تۇراقتى دامۋ تۇرعىسىنان ازاماتتىق قورعانىس جانە ءزىل زالالار قاتەرىن ازايتۋ». تابيعي جانە تەحنوگەندىك سيپاتتاعى توتەنشە جاعدايلاردان تۇرعىنداردى قورعاۋ جانە ارەكەت ەتۋگە دايىندىعى - كاسىپورىندار جانە شارۋاشىلىق نىساندارىندا قۇرىلعان ازاماتتىق قورعانىس قۇرىلىمدارىنىڭ، اۋماقتىق ت ج ورگاندارىنىڭ نەگىزگى مىندەتى بولىپ تابىلادى.
1997-جىلعى قازان ايىندا ق ر پرەزيدەنتى ن. ءا. نازاربايەۆتىڭ قاۋلىسىمەن «قازاقستان رەسپۋبليكاسى حالىقارالىق ازاماتتىق قورعانىس ۇيىمى جارلىعىنا بىرىگۋ تۋرالى» زاڭى قولدانىسقا ەنگىزىلدى. ءبىزدىڭ ەلىمىز قىزمەتىنىڭ نەگىزگى باعىتى مەملەكەتتەردەگى تابيعي جانە تەحنوگەندىك سيپاتتاعى توتەنشە جاعدايلاردىڭ سالدارىن جويۋ جانە الدىن الۋ سالاسىنداعى ۇكىمەتتىك ورگانداردىڭ ۇيلەستىرىلۋىن كۇشەيتۋ بولىپ تابىلاتىن حالىقارالىق ۇيىمنىڭ بەدەلدى تولىق قۇقىلى مۇشەسىنە اينالدى.
بۇكىل الەمدىك ازاماتتىق قورعانىس كۇنى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ ارەكەتىندە مەملەكەتتىڭ كوورديناتسياسىنا، وعان تۇرعىنداردى دايىنداۋعا، مۇمكىن بولاتىن شۇعىل جاعدايلارعا ۇلتتىق توتەنشە جاعدايلار قىزمەتتەرىن ۇيلەستىرۋگە باعىتتالعان ماڭىزدى حالىقارالىق اكسيا بولىپ تابىلادى.
