قازاقستاندا جاسالعان: اقتاۋداعى اياق كيىم فابريكاسى - فوتو
«وتكەن جىلى تۇرىك جانە يتالياندىق جابدىقتاردى ساتىپ الۋ، سونداي- اق قولدا بار جابدىقتاردى جاڭعىرتۋ ماقساتىندا قوسالقى بولشەكتەر ساتىپ الۋ ءۇشىن قاراجات اۋداردىق - بارلىعى شامامەن 300 مىڭ دوللار جۇمسالعان.
جاقىندا جابدىقتار فابريكاعا كەلىپ ءتۇستى. ناۋرىز ايىنىڭ باسىندا اقتاۋعا موكاسيندەردى شىعارۋعا كومەكتەسۋ ءۇشىن يتاليادان مامان كەلەدى. اياق كيىمنىڭ فيرمالىق تابانى وسىندا شىعارىلادى. ول ءۇشىن قالىپتار، قۇيۋعا ارنالعان باسپاقتار ساتىپ الىندى. ساۋدا ماركاسىنىڭ برەندى مەن لوگوتيپى جاسالدى، سوندىقتان جاقىن ۋاقىتتا ءوز ءونىمىمىزدى شىعاراتىن بولامىز»، - دەدى «جامال- اي» اق- نىڭ پرەزيدەنتى ءزابيرا حاسانوۆا.
موكاسيندەر ءۇشىن شيكىزات رەتىندە تەك تابيعي بىلعارى قولدانىلادى، ءتۇس تۇرلەرى دە ويلاستىرىلۋدا. اياق كيىم تابانىنىڭ الدىڭعى بولىگىندە «Sharkey» اتاۋى جازىلادى، ال باسقا بولىگى بىلعارىمەن جابىلادى.
قازىرگى كەزدە كاسىپورىندا 167 ادام ەڭبەك ەتۋدە. وتكەن جىلدىڭ ىشىندە كاسىپورىنعا شامامەن 900 ميلليون تەڭگە كولەمىندە پايدا ءتۇستى، 100 مىڭ جۇپ اياق كيىم تىگىلدى.
