استانادا «قازاق حاندىعى: ۇلى دالانىڭ ۇلى بەينەلەرى» كورمەسى اشىلادى
ەكسپوزيتسيا العاش رەت ءداستۇرلى قازاق قوعامىنىڭ تاريحي جانە مادەني مۇرالارىن ايعاقتايتىن بىرنەشە مۋزەيلىك جيناقتاردى ۇسىنىپ وتىر.
كورمەنىڭ ماقساتى قازاق مەملەكەتتىلىگىنىڭ قالىپتاسۋى مەن نىعايۋىندا ماڭىزدى ورىن العان، قازاق حاندىعى تاريحىنداعى ايتۋلى وقيعالار مەن جارقىن تۇلعالاردى كورسەتۋ.
قازاق حاندىعىنىڭ كەڭ بايتاق كەسكىندەمەلى بەينەسىن تانىمال قازاقستاندىق سۋرەتشىلەر، مۇسىنشىلەر، زەرگەرلەر، جاڭعىرتۋشىلار تۋىندىلارى كوز الدىمىزعا ەلەستەتەدى.
ەكسپوزيتسيادا ءبىرقاتار تاريحي جادىگەرلىكتەر - رەسەي پاتشايىمى І ەليزاۆەتانىڭ اتىنان ابىلاي حانعا تارتۋ ەتىلگەن اتاقتى قىلىشتىڭ بولىگى، بولەك باتىردىڭ دۋلىعاسى، سونىمەن قاتار ق. التىنبەكوۆتىڭ تاريحي دالدىكپەن ورىنداعان قازاق حاندارىنىڭ ءمور-جۇزىكتەرى مەن ا. ءابدۋبايتتىڭ التىن زەرلى جىپپەن كەستەلەنگەن كوركەم پاننولارى ماڭىزدى ورىن الادى.
كوپتەگەن جادىگەرلەر كوپشىلىك قاۋىمعا العاش رەت ۇسىنىلىپ وتىر. وسىلاردىڭ قاتارىندا قىتايلىق شين ديناستياسىنىڭ كەزەڭىنە جاتاتىن بىرەگەي پاننولار ماڭىزدى ورىن الادى. ولاردا قىتاي يمپەراتورلاردىڭ ءارتۇرلى مەملەكەت وكىلدەرىمەن ديپلوماتيالىق سىيلىق الماسۋ ءراسىمى بەينەلەنگەن. وسى ديپلوماتتار قاتارىندا قازاق حاندىعىنىڭ دا وكىلدەرى بار. وسىنداي بىرەگەي، مۇراعاتتىق-بەينەلەۋ دەرەككوزدەرى ق ح ر مۇراعاتتارىنان تابىلعان، ال ولاردىڭ ءدال كوشىرمەلەرى ق ح ر- داعى ق ر توتەنشە جانە وكىلەتتى ەلشىسى، قازىرگى كەزدە پرەزيدەنتتىڭ كومەكشىسى- ق ر قاۋىپسىزدىك كەڭەسىنىڭ حاتشىسى ن. ب. ەرمەكبايەۆتىڭ باستاماسىمەن جاسالعان بولاتىن.
«.. .قازاق مەملەكەتتىلىگىنىڭ تاريحىنىڭ ءومىر ءسۇرۋ كەزەڭى جيىرماسىنشى عاسىردىڭ شەگىنەن اسىپ تۇسەدى...»، - دەپ اتاپ وتكەن بولاتىن ن. ءا. نازاربايەۆ «تاريح تولقىنىندا» اتتى ەڭبەگىندە. قازاق حاندىعىنىڭ تاريحى مەن مۇراسىن زەرتتەۋ تاۋەلسىزدىككە قول جەتكىزگەننەن كەيىن عانا مۇمكىن بولدى. قازاق حاندىعىنىڭ مەرەيتويىن اتاپ وتۋدەگى باستى نازار ۇلتتىق بىرەگەيلىك، تاريحي باستاۋلاردى ىزدەۋگە ارنالىپ وتىر. ەكسپوزيتسيا مۋزەيدىڭ كۇمبەزدى زالىندا ورنالاسۋى سيمۆول ءماندى: سەبەبى ءدال وسى جەردە 1997-جىلى ق ر تۇڭعىش پرەزيدەنتى قازاقستاننىڭ جاڭا استاناسىن جاريا ەتەكەن بولاتىن. كۇمبەزدى زالدىڭ ءوزى دە قازاقستان حالقىنىڭ ەركىندىگى، بىرلىگى جانە ونىڭ ساباقتاستىعىنىڭ رۋحىنا تۇنىپ تۇر.
«قازاق حاندىعى: ۇلى دالانىڭ ۇلى بەينەلەرى» اتتى كورمە 2015-جىلدىڭ 28- قىركۇيەگىنە دەيىن جالعاسادى.
