الماتى كاسىپكەرلەر پالاتاسى بيزنەسكە كومەكتىڭ ۇتىمدى جولىن تاپتى

الماتى. قازاقپارات - بيزنەس جۇرگىزۋگە رۇقسات قۇجاتتاردى كاسىپكەرلەر پالاتاسى ارقىلى الۋ - جەمقورلىق ارەكەتتەرگە جول بەرمەيدى. بۇگىن الماتىدا كاسىپكەرلەر قۇقىعىن قورعاۋ بويىنشا كەڭەستىڭ وتىرىسىندا الماتى قالالىق كاسىپكەرلەر پالاتاسى ديرەكتورىنىڭ قۇقىقتىق ماسەلەلەر بويىنشا ورىنباسارى سالتانات لەسبايەۆا وسىلاي دەدى.

ونىڭ سوزىنە قاراعاندا، بۇل بۇگىنگى تاڭدا وتە پارمەندى شاراعا اينالۋدا.

«الماتى قالالىق كاسىپكەرلەر پالاتاسى بيىلدان باستاپ تۇڭعىش رەت كاسىپكەرلەرگە رۇقسات قۇجاتتاردى الۋعا كومەك كورسەتە باستادى. ياعني، كاسىپكەرلەر ەندى پالاتاعا كەلىپ، سەنىم حات بەرسە بولعانى. ءارى قاراي ءبىزدىڭ ساراپشىلار تەگىن تۇردە قاجەتتى قۇجاتتاردى وزدەرى جيناپ، كاسىپكەرگە بيزنەس جۇرگىزۋگە ءتيىستى رۇقسات قۇجاتتاردى الىپ بەرەدى.

قازىر مۇنىڭ تيىمدىلىگى ارتا تۇسۋدە. نەگە؟ ويتكەنى كاسىپكەر لاۋازىمدى تۇلعالارعا تىكەلەي جۇگىنبەيدى. سايكەسىنشە، جەمقورلىق ارەكەتتەرگە جول بەرىلمەيدى دەگەن ءسوز. ياعني، ولار كاسىپكەردەن قانداي دا ءبىر سىياقى تالاپ ەتە المايدى. ءبىز بۇل سالادا بەلگىلى ءبىر جەتىستىكتەرگە قول جەتكىزدىك. سوڭعى بىرنەشە ايدان بەرى رۇقسات قۇجاتتارىن الا الماي كەلە جاتقان كاسىپكەرلەرگە ناقتى كومەكتەر كورسەتىپ جاتىرمىز» - دەدى س. لەسبايەۆا.

ايتا كەتەلىك، زاڭ بويىنشا رۇقسات قۇجاتتاردى الۋعا بەرىلەتىن مەرزىم - 60 كۇن. ال شىن مانىسىندە بۇل قۇجاتتاردى كاسىپكەرلەر كەيدە ايلاپ، جىلداپ الا الماي جۇرەتىنى جاسىرىن ەمەس.

اۆتور: جاپپاربەرگەن ايبوتا