تەڭىز مۇناي كەنىشىندەگى جوبالاردىڭ قۇنى تومەندەتىلۋى ىقتيمال - ۆ. شكولنيك

استانا. قازاقپارات - «تەڭىزشيەۆرويل» كومپانياسىن كەڭەيتۋ بويىنشا بولاشاق جوبالاردىڭ قۇنى تومەندەتىلۋى ىقتيمال.

 بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ق ر ەنەرگەتيكا ءمينيسترى ۆلاديمير شكولنيك ءمالىم ەتتى.

«جوبا جالعاسۋدا، اتالمىش جوبانىڭ قۇنىن وڭتايلاندىرۋعا جانە تومەندەتۋگە باعىتتالعان شارالاردى قولعا الۋ جونىندە سەرىكتەستەرمەن تالقىلاۋ جۇرگىزۋدەمىز. شەشىم بيىل قابىلدانۋى ءتيىس»، - دەدى مينيستر.

كەلەشەك كەڭەيۋ جوباسى شەڭبەرىندە ۇڭعىما ونىمدەرىن جيناقتاۋدىڭ جاڭا جۇيەسىن، قىسىمى جوعارى نىسانداردى، ينفراقۇرىلىمدىق جانە قوسالقى نىسانداردى سالۋ جوسپارلانىپ وتىر.

«ونىڭ اياسىندا تەڭىز كەنىشىندە قۋاتتىلىعى جىلىنا 12 ميلليون توننانى قۇرايتىن مۇناي وڭدەيتىن جاڭا زاۋىت جانە قۋاتتىلىعى جىلىنا 9,4 ميلليارد تەكشە مەتر بولاتىن شيكى گازدى كەرى ايدايتىن نىسانداردى سالۋ جوسپارلانىپ وتىر»، - دەپ اتاپ ءوتتى مينيستر.

ونىڭ اتاپ كورسەتكەنىندەي، جوبانىڭ ىسكە اسۋى ت ش و- نىڭ جىلدىق مۇناي ءوندىرۋ كولەمىن 26,5 ميلليون توننادان 38,6 ميلليون تونناعا دەيىن ارتتىرادى.

 «بۇل جۇمىستاردى جۇزەگە اسىرۋ 38 ميلليارد دوللار كولەمىندە جوسپارلانۋدا»، - دەدى ۆ. شكولنيك.

اۆتور: جاسۇلان جولدىباي