جۇمىس ورنى بار، ال ماماندار قايدا؟
مۇندا جۇمىسى بولسا دا، جوعارى جالاقى ىزدەپ، باعىن سىناعالى كەلگەن جاندار بار. دەگەنمەن جاستاردىڭ كوپشىلىگى ءوندىرىس باسىنداعى قارا جۇمىس ىستەۋدى ەمەس، كەڭسەدە وتىرىپ، كۇرەپ اقشا تاپقىسى كەلەدى.
نۇرجان عانيمۇرات، وبلىستىق كاسىپكەرلەر پالاتاسى ديرەكتورىنىڭ الەۋمەتتىك ماسەلەلەر جونىندەگى ورىنباسارى: - جاستارىمىز كوبىنەسە جۇمىسشى، تەحنيك ماماندارى رەتىندە تومەننەن باستاعىسى كەلمەيدى. ءبىرىنشى كەزەككە جالاقىنى قويادى. كەيىن جۇمىس ىستەگىم كەلمەيدى دەگەن ماسەلەلەردى ايتادى. جۇمىس بەرۋشىلەردىڭ دە ءوز ۋاجدەرى بار. سوندىقتان جاستار مەن جۇمىس بەرۋشىلەردىڭ اراسىنداعى تۇسىنىستىكتى كۇشەيتۋ قاجەت بولىپ تۇر.
وبلىستاعى جوعارى جانە كاسىبي ءبىلىم بەرۋ مەكەمەلەرى جىل سايىن 24 مىڭعا جۋىق مامان دايارلاپ شىعارادى. ولاردىڭ دەنى قازىر ءوندىرىس ورتالىقتارىندا جۇمىس ىستەپ جاتىر. «قازاقستاننىڭ تاۋەلسىز ۇرپاعى» قوعامدىق ۇيىمىنىڭ مۇشەلەرى جاستاردىڭ ماماندىق تاڭداۋ ىسىنە تاعى ءبىر جاڭالىق قوسپاق نيەتتە.
ولاردىڭ تىڭ جوباسى مەكتەپ بىتىرۋشىلەردى، مۇعالىمدەر مەن اتا-انالاردى ماماندىق تاڭداۋعا ەرتە باستان جانە بالانىڭ قابىلەتىن جان-جاقتى زەرتتەپ بارىپ كىرىسۋدى ماقسات ەتەدى.
ۇلىقبەك تىناليەۆ، «قازاقستاننىڭ تاۋەلسىز ۇرپاعى» ۇ ە ۇ ءتوراعاسى: - ءبىزدىڭ جوبامىز وسى سالاعا ارنالعان. بىرىنشىدەن، ادىستەمەلىك تەستتەردىڭ ءبارىن قولدانۋ ارقىلى ونىڭ قانداي ماماندىققا مۇمكىندىگى بار ەكەندىگى انىقتالادى. جاستار ۇيىمى بولاشاق تۇلەكتىڭ ءبىلىم دەڭگەيى، قانداي ماماندىققا قابىلەتى بارى جانە ەڭبەك نارىعىندا قانداي كاسىپ سۇرانىسقا يە ەكەندىگىن الدىن الا ساراپقا سالىپ بارىپ شەشىم قابىلداۋعا كەڭەس بەرەدى. تاجىريبەلىك سىننان وتكىزىلىپ جاتقان جوبانىڭ ناتيجەسى الداعى ءبىر-ەكى جىلدا بەلگىلى بولادى.
اۆتورلارى: بەكەن ءاليراحىم، تەمىرلان سۇلتانعازى
