بيىل قازاقستان ۋران ءوندىرىسىن ارتتىرادى - ۆ. شكولنيك

استانا. قازاقپارات - قازاقستان 2014 - جىلمەن سالىستىرعاندا 2015 - جىلى ۋران ءوندىرۋ كولەمىن ارتتىرادى.

بۇل تۋرالى ق ر ەنەرگەتيكا مينيسترلىگىنىڭ القا ماجىلىسىندە وسى ۆەدومستۆونىڭ باسشىسى ۆلاديمير شكولنيك ءمالىم ەتتى.

«2014 - جىلى ۋران ءوندىرىسى 22,8 مىڭ توننانى قۇراپ، ونىڭ كولەمى 2013 - جىلعى دەڭگەيگە 109,5 پايىزدى قامتىدى. بيىلعى جىلدىڭ جوسپارى 24 مىڭ توننا مولشەرىندە»، - دەدى مينيستر. ونىڭ سوزىنە قاراعاندا، قازاقستان ءۇش مىڭ توننا ۋراندى اتوم ستانسالارى ءۇشىن 300 توننا وتىن دەڭگەيىنە وڭدەي الادى. بۇل كولەم 15 اتوم ەلەكتر ستانسالارىن وتىنمەن قامتاماسىز ەتۋگە مۇمكىندىك بەرەدى.

اۆتور:   رۋسلان عابباسوۆ