قازالىلىق جاستار ءتۇرلى ۇلت وكىلدەرىمەن كەزدەستى - فوتو
ءار ءتۇرلى ۇلت وكىلدەرى مەن اۋدان جاستارىنىڭ اراسىنداعى بايلانىستى نىعايتۋ ماقساتىندا وتكىزىلگەن كەشتى «جاستاردى قولداۋ ورتىلىعى» م ك م قازالى اۋداندىق ءبولىمى ۇيىمداستىردى.
كەش بارىسىندا قىزىلوردا وبلىسى اكىمى اپپاراتىنىڭ قوعامدىق كەلىسىم ورتالىعىنىڭ قازالى اۋدانى بويىنشا ۇلتارالىق قاتىناستار جونىندەگى ەكسپەرتى سۆەتلانا ۆلاديميروۆنا، «بىرلىك- ەدينستۆو» ەتنومادەني قوعامدىق بىرلەستىگىنىڭ پرەزيدەنتى نافيسا تاير قىزى اۋدانىمىزدا ءتۇرلى ۇلت وكىلدەرىنە جاسالاپ جاتقان قولداۋلار جانە ۇلتارالىق قاتىناستاردىڭ اۋدانىمىزدا ىسكە اسىرىلۋى تۋرالى ءوز ويلارىمەن ءبولىسىپ، جاستاردى اسسامبلەيا جىلى اياسىندا ۇيىمداستىرىلاتىن شارالارعا اتسالىسۋعا شاقىردى.
سونداي- اق، اۋداندىق ستۋدەنتتەر اليانسىنىڭ ليدەرى ەركىن امانكەلدى ۇلى قازاقستان حالقى اسسامبلەياسىنىڭ 20 جىلدىعى تۋرالى ءوز ويىن ورتاعا سالدى. ءار ۇلتتىڭ ۇلتتىق كيىمدەرىن كيگەن جاستار كوكەيلەرىندە جۇرگەن ساۋالدارىن قويىپ، ۇسىنىس- پىكىرلەرىمەن ءبولىستى.
ايتا كەتەيىك، قازىرگى تاڭدا قازالى اۋدانىندا 290 ورىس، 28 كارىس، 23 نەمىس، 62 تاتار، 90 وزبەك، 21 ۋكراين، 8 قىرعىز، 2 مولداۆان، 3 باشقۇرت، 3 تۇركىمەن، 3 گرەك جانە باسقا دا بەلارۋس، پولياك وكىلدەرى تاتۋ- ءتاتتى ءومىر سۇرۋدە.
اۆتور: ەلۋباي اۋەزوۆ
