قىزىلوردا وبلىسىندا قىتايلىق كومپانيامەن بىرىككەن دارىلىك شوپتەر شىعارۋ زاۋىتى سالىندى

قىزىلوردا. قازاقپارات - قىزىلوردا وبلىسىندا ميا تامىرىن وڭدەۋ زاۋىتى مەن ميانى ءوسىرۋ جوباسىن ىسكە اسىرۋ جوعارى دەڭگەيدە جۇرگىزىلۋدە. جوبا باستاماشىسى - «بيس- گرۋپ» ج ش س.

 كاسىپورىندا بۇگىندە 156 ادام تۇراقتى جۇمىس ىستەسە، 564 ادام ماۋسىمدىق جۇمىس اتقارادى. زاۋىتتىڭ جوبالىق قۋاتتىلىعى - 1000 توننا ميا تامىرىنىڭ ەكستراتى، 100 توننا گليتسيريزينات مونواممونيا وندىرىلەدى. سونداي- اق، ميا وسىمدىگىنىڭ ەكستراكتىسى، كرەمى، گليتسيريزين قىشقىلىنىڭ ۇنتاعى، پوليساحاريد، فلاۆونويد كومپونەنتتەرى الىنادى.

جوبا قۇرىلتايشىلارى: «بيس- گرۋپ» ج ش س- ءى، قىتايلىق «بوريحۋندا» ا ا ق- ى بوپ تابىلادى.

وندىرىلگەن ونىمدەردى ەكسپورتتاۋدى جوسپارلاپ وتىرعان نارىق: قىتاي، كانادا، ا ق ش، فرانسيا، گەرمانيا، اۆستريا، جاپونيا، كورەيا، تۇركيا، يزرايل ەلدەرى.

 ەلباسىنىڭ باستاماسىمەن ەلىمىزدە ۇدەمەلى يندۋستريالىق- يننوۆاتسيالىق دامۋ مەملەكەتتىك باعدارلاماسىن ىسكە اسىرۋ ناتيجەسىندە ەلىمىزدە سوڭعى جىلدارى كوپتەگەن ءوندىرىس ورىندارى ىسكە قوسىلدى. مۇنداي ءوندىرىس ورىندارى ءونىم وندىرۋمەن قاتار جۇزدەگەن ادامدى جۇمىسپەن قامتىپ، الەۋمەتتىك- ەكونوميكالىق دامۋىنا وزىندىك ۇلەس قوسىپ وتىر. بۇل باعدارلامانى ىسكە اسىرۋدان  قىزىلوردا وبلىسى دا تىس قالعان جوق.

بۇل باعىتتا بىرنەشە ءوندىرىس ورىندارى وبلىستا ىسكە قوسىلدى. ءالى دە بولاشاقتا اشىلاتىن كاسىپورىندار بار.

وسى باعدارلاما اياسىندا قىزىلوردا وبلىسىنىڭ جالاعاش اۋدانىندا ىسكە قوسىلعان كاسىپورىننىڭ ءبىرى - قىزىل ميا تامىرىن وڭدەپ، ودان دارىلىك شوپتەر شىعارۋ زاۋىتى.

 جوبا ۇدەمەلى يندۋستريالىق- يننوۆاتسيالىق دامۋ باعدارلاماسىنا ەنگىزىلمەس بۇرىن تەرەڭ زەرتتەۋدەن ، ساراپتاۋدان وتكەن. «بيس گرۋپ» ج ش س باسشىلارى وسى ءونىمدى شىعارۋمەن اينالىساتىن ەلدەردە بولعان. ولاردىڭ جۇمىس تاجىريبەسىمەن تانىسقان. جوبانى ىسكە اسىرۋ ءۇشىن قىتايلىق «بوريحۋندا» كومپانياسىمەن كەلىسسوز جۇرگىزىلگەن. ناتيجەسىندە جالپى قۇنى 1,8 ميلليارد تەڭگەنى قۇرايتىن جوبانى ىسكە اسىرۋعا كەلىسىمشارت جاسالعان. بۇل رەتتە، قىتايلىق كومپانيا قۇرال- جابدىقتار مەن تاۋار شىعاراتىن تەحنولوگيانى اكەلۋدى ءوز مىندەتىنە العان. مۇنان بولەك كومپانيا جەرگىلىكتى جەر ماماندارىن وقىتىپ، دايىنداۋدى دا مىندەتىنە العان.

 جوبا 2013 - جىلى 13 - جەلتوقساندا وتكەن ەكونوميكانى جاڭعىرتۋ تۋرالى مەملەكەتتىك كوميسسيا قورىتىندىسىمەن جانە  قىزىلوردا وبلىسى اكىمىنىڭ 2013 - جىلعى 23 - جەلتوقسانداعى №18 شەشىمىمەن وڭىرلىك يندۋستريالاندىرۋ كارتاسىنان ەنگىزىلدى.

جوبانى جۇزەگە اسىرۋ ءۇشىن جالاعاش اۋدانى، اقسۋ اۋىلدىق وكرۋگىنەن زاۋىتتى ورنالاستىرۋ ءۇشىن 2013 - جىلى 8,75 گ ا جەر تەلىمى مەملەكەتتىك قولداۋ شاراسى رەتىندە اۋكتسيونسىز بەرىلگەن. 2014 - جىلى جالاعاش اۋدانى جاڭاداريا اۋىلدىق وكرۋگىنەن 6000 گ ا جەر تەلىمى ميا ءوسىرۋ ءۇشىن بەرىلدى.

«بيس گرۋپ» ج ش س اقپاراتىنا سايكەس، زاۋىتتىڭ قۇرىلىس جۇمىستارىنا جالاعاش اۋدانىنان 80 ادام قابىلدانىپ، قۇرىلىسشىلار مەن قىزمەتكەرلەرگە ارناپ، قوناق ءۇي مەن كاسىپورىن وفيسىن سالعان. ناتيجەسىندە 75 ادامعا ارنالعان جۇمىسشىلار قالاشىعى سالىنىپ، پايدالانۋعا بەرىلدى. جۇمىسشىلارعا ارنالعان اسحانا دا سالىنىپ، پايدالانۋعا بەرىلگەن.

 زاۋىت ورنالاساتىن الاڭدا تولىعىمەن مەتال قورشاۋ تارتىلعان. جوبا بويىنشا اكىمشىلىك، اسحانا، جاتاحانا، زەرتحانا عيماراتىنىڭ قۇرىلىستارى جانە ەلەكتر، اۋىز سۋ جۇيەلەرىن جەتكىزۋ جۇمىستارى اياقتالعان.

 زاۋىتقا قازىرگى تاڭدا قاجەتتى 1200 توننا ميا تامىرى شيكىزاتى ازىرلەنگەن. كومپانيا باسشىسىنىڭ مالىمەتى بويىنشا زاۋىتتا العاشىندا 3 ءتۇرلى ءونىم ءوندىرۋ كوزدەلگەن: گليتسيريزين قىشقىلى، ميا قانتى، فلوفانويد (بالالارعا ارنالعان ءدارى).

زاۋىت 2014 - جىلعى 22 - جەلتوقساندا مەملەكەتتىك قابىلداۋ اكتىسىمەن پايدالانۋعا بەرىلگەن.

 قازىرگى تاڭدا، زاۋىت باسشىلىعى تاجىريبەلىك العاشقى ونىمدەردى شىعارۋدى قولعا الىپ، شىعارىلاتىن ونىمگە رۇقساتتاما قاعازدارىن سەرتيفيكات، ليتسەنزيا الۋ جۇمىستارىن قارقىندى جۇرگىزۋدە.