الىپ اۋماقتا قۇران باعى اشىلادى

استانا. قازاقپارات - 64 گەكتار اۋماقتى قامتيتىن باق قاسيەتتى قۇران كارىمگە ارنالماق. دۋبايدان اشىلاتىن باق اۋماعىندا قازىر سوڭعى بەزەندىرۋ جۇمىستارى جۇرگىزىلۋدە. ءىرى جوبا جەتەكشىلەرى قۇران باعىنا كەلەتىن جولدار مەن اۆتوتۇراقتاردىڭ جاساقتالۋىنا ءجىتى ءمان بەرىپ وتىر.

اتالمىش جوبا قۇرىلىسى الداعى قىركۇيەك ايىندا تولىق اياقتالادى. بۇل باستاما قوعامدى قۇران جانە ونىڭ ءتىلسىم عاجايىپتارىمەن تانىستىرۋدى ماقسات ەتەدى. قۇران باعىندا اراب امىرلىگىندە وسەتىن جانە قۇراندا اتى اتالعان بارلىق وسىمدىكتىڭ تۇرلەرى وسىرىلەتىن بولادى.

قاسيەتتى قۇران كارىمدە وسىمدىكتىڭ 54 ءتۇرى اتالسا، سونىڭ 35 ءى ساياباقتا وسىرىلمەكشى. سونداي-اق، اۋديو-بەينە جانە سۋرەتتى ماتەريالدار تۇرىندەگى قۇران تاڭعاجايىپتارىن ۇسىناتىن تۋننەل، اشىق اسپان استىنداعى تەاتر، ۋمرا بۇرىشى، فونتاندار، پالما وازيسى، كولدەر، ءالپى باعى، جۇگىرۋ جانە ۆەلوسيپەد الاڭدارى دا قامتىلادى.

ummet.kz