قازاقستاندا جاسالعان: ماڭعىستاۋلىق «نۇر-شاح» ءسان ءۇيىنىڭ ۇلتتىق كيىمدەرى شەت ەلدەردە دە سۇرانىسقا يە - فوتو
40 ادامنان قۇرالعان ۇيىمنىڭ تىگەتىن ۇلتتىق كيىمدەرى مەن اشەكەي بۇيىمدارى قازاقستاندا عانا ەمەس، باسقا مەملەكەتتەردە دە سۇرانىسقا يە. سالوندا توي كيىمدەرىنەن باستاپ، ءتۇرلى بەشپەنتتەر مەن قامزولدار، باس كيىمدەر، ت. ب. تىگىلەدى.
«نۇر-شاح» ماڭعىستاۋ ءوڭىرى مەن اقتاۋ قالاسىنىڭ اتىنان رەسپۋبليكالىق، حالىقارالىق ءتۇرلى كورمەلەرگە دە قاتىسىپ تۇرادى.
2013 - جىلى ءسان ءۇيى وبلىستىق «ايماقتاعى ۇزدىك تاۋارلار» بايقاۋىندا I ورىن يەلەندى. سونداي-اق رەسپۋبليكالىق «التىن ساپا» بايقاۋىندا ءوز باعاسىن الدى.
2012 - جىلى كاسىپورىن يەسى بيزنەسىن كەڭەيتۋ ماقساتىمەن «بيزنەستىڭ جول كارتاسى-2020» مەملەكەتتىك باعدارلاماسىنىڭ اياسىندا نەسيە العان. بۇگىندە ءسان ءۇيىنىڭ جۇمىس ونىمدىلىگى 30-40 پايىزعا ارتىپ وتىر، جۇمىس ورنى ءۇش ەسەگە ۇلعايدى. قازىرگى كەزدە بۇل جەردە 45 ادام قىزمەت ەتەدى.
سونداي-اق ءسان ءۇيى ءتۇرلى قايىرىمدىلىقپەن اينالىسىپ، مۇگەدەكتەر مەن قارتتاردى، بالالاردى قولداۋعا ارنالعان ءتۇرلى اكسيالارعا قاتىسىپ تۇرادى.
